«Arłan-10» — vielmi niebiaśpiečny bieśpiłotnik.
Zienitčyki 3-j asobnaj tankavaj žaleznaj bryhady USU ŭpieršyniu źbili na vielizarnaj vyšyni rasijski bieśpiłotnik «Arłan» u niabiesnaj dueli i navat pakazali videa, piša UNIAN.
«Ad hetaj naviny zachoplivaje duch. Žaleznaja bryhada ŭpieršyniu źbiła vyšynny rasijski bieśpiłotnik u niabiesnaj dueli! Heta adbyłosia 7 vieraśnia nad Charkaŭščynaj. Jak tolki zasiekli varožy BPŁA «Arłan-10», u zadadzieny rajon pamčałasia hrupa «Krumkač» zienitnaha rakietna-artyleryjskaha dyvizijona», — raspaviali vajskoŭcy.
Havorycca, što va ŭzajemadziejańni z pabracimami-pahraničnikami tankisty vyznačyli kurs i vyšyniu celi. Na miescy adzin voin padrychtavaŭ techniku da pracy, zatym ustupili ŭ dziejańnie jašče dvoje členaŭ ekipažu palaŭničych na raźviedvalnyja «kryły» akupacyjnych vojskaŭ.
Jany raspaviali, što palavańnie było zvyšskładanym. Pa-pieršaje, vyšynia — bolš za try kiłamietry, pa-druhoje, «Arłan» uvieś čas mianiaŭ napramak i vyšyniu.
«Ale dziakujučy majsterstvu i zładžanym dziejańniam hrupy «Krumkač», bieśpiłotnik-raźviedčyk dahnali na vyšyni 3620 mietraŭ i źniščyli», — havorycca ŭ paviedamleńni.
***
«Arłan-10» — vielmi niebiaśpiečny bieśpiłotnik. Jon moža pralacieć 600 kiłamietraŭ, padniacca na 5 kiłamietraŭ, a radyus jaho dziejańnia — 120 kiłamietraŭ.
Dron vyjaŭlaje mety i karektuje ahoń, pierachoplivaje radyjopieramovy, błakuje mabilnuju suviaź, «łamaje» sihnał GPS, skidaje bojeprypasy z małoj vyšyni i da taho padobnaje.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija11
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
Nu zhadziciesia śmiešna )))
Jakija zienitčyki tankavaj ?)
A padzieja vydatnaja. Dron - źniščalnik kinuŭsia ź jašče bolšaj vyšyni. I znajści ŭ niebie toj arłan biez dapamohi niejkaj RŁS i poŭnaha ŭzajemadziejańnia niemahčyma . Heta vialik krok napierad .