Канапацкая: Ніякая гэта не апазіцыя, а зборышча самазванцаў і махляроў
Акрамя камуніста Сяргея Сыранкова, пра стаўленне да чарговага памілавання палітвязняў Tochka.by запыталася і іншую спарынг-партнёрку Лукашэнкі — Ганну Канапацкую, якой паводле сцэнарыя дасталася роля «дэмакратычнага» кандыдата. Адпаведна з гэтым яе стаўленне да палітвязняў аказалася куды мякчэйшым, чым у праўладнага камуніста, а вось да апанентаў улады, якім удалося выехаць за мяжу — зусім не.
«Я перакананая ў неабходнасці змякчэння пакарання з магчымым ужываннем амністыі і памілавання ў дачыненні да максімальнай колькасці асоб, прыцягнутых да адказнасці за падзеі папярэдняга электаральнага цыклу», — заявіла Ганна Канапацкая.
Але пры гэтым абвінаваціла ў тым, што гэтыя людзі знаходзяцца за кратамі, зусім не тых, хто іх туды змясціў і там утрымлівае. На яе думку, у гэтым вінаватыя тыя апаненты ўлады, якія жывуць за мяжой:
«Па-першае, ніякая гэта не апазіцыя, а зборышча самазванцаў і махляроў. Па-другое, яны імкнуцца ўцягнуць максімальную колькасць беларусаў у дзейнасць, якая падпадае пад крымінальную і адміністрацыйную адказнасць», — паведаміла спарынг-партнёрка.
Канапацкая знайшла сабе толькі сем давераных асобаў — дый тое сярод іх сын-даносчык
У выбарчай праграме Канапацкая патрабуе вызваліць палітвязняў
Апублікаваныя дэкларацыі кандыдатаў у прэзідэнты. Колькі ў Лукашэнкі, а колькі ў астатніх?
Канапацкая падзякавала камуністам за дапамогу, але сама застаецца «нацдэмкай»
Каментары
Апазыцыя гэта тыя людзі, што супрацьстаіць такім дзеяньням ўлады.
Ці апазыцыя тыя людзі, хто замест людзей, хто зараз ўва ўладзе, прагнуць змушаць іншых да пажаданых сабой дзеяньняў?