16 студзеня падчас наведвання Мінскага тэхнапарка Аляксандр Лукашэнка заявіў, што Польшча адмовілася «нават весці размовы» пра вызваленне журналіста газеты «Gazeta Wyborcza» Анджэя Пачобута
— Што датычыцца Пачобута, тут нават няма пра што размаўляць. Я шчыра вам кажу, як чалавек, які інфармаваны: яны адмовіліся ад Пачобута. Польскі бок адмовіўся весці нават размовы па Пачобуту, — сказаў Лукашэнка.
Ён таксама дадаў, што, паводле яго інфармацыі, сам Пачобут не хоча пакідаць Беларусь і пераязджаць у Польшчу.
Прэс-сакратар польскага МЗС заявіў, што Польшча ніколі не адмаўлялася ад перамоў з беларускай уладай пра вызваленне Анджэя Пачобута.
— Калі дыктатар Беларусі Лукашэнка кажа, што не ведае, што рабіць з Пачобутам, я скажу яму, што трэба зрабіць. Перш за ўсё, ён павінен вызваліць яго з турмы, — сказаў Павел Уронскі ў каментары «Люстэрку». — Анджэй Пачобут — горды грамадзянін Беларусі, які таксама ганарыцца сваім польскім паходжаннем. Але ён павінен быць вольным чалавекам у вольнай краіне і жыць там, дзе сам жадае.
Што датычыцца слоў Лукашэнкі пра нежаданне Пачобута пакідаць Беларусь, яшчэ ў жніўні мінулага года стала вядома, што палітвязень гатовы з'ехаць. Пра гэта заяўляла кіраўніца Саюза палякаў Анжаліка Борыс, якая сустракалася з Пачобутам вясной 2024 года.
— Я прасіла яго разгледзець магчымасць выезду з краіны, калі такая магчымасць з'явіцца. Ён мне адказаў: калі ты лічыш, што гэта правільна, я гэта зраблю. Па маёй просьбе ён пагадзіўся пакінуць краіну, — казала Анжаліка Борыс.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары