Лукашэнка пракаментаваў чуткі пра адключэнне інтэрнэту ў дзень выбараў
Ён заявіў пра рашучасць «прыняць усе неабходныя меры, калі гэта будзе датычыцца бяспекі і захавання краіны».
Аляксандр Лукашэнка пракаментаваў чуткі аб магчымым абмежаванні інтэрнэту падчас выбараў, піша БелТА.
Яго спыталі аб распаўсюдзе сярод моладзі «блогерства і падобных заняткаў» і чутак пра абмежаванне інтэрнэту падчас выбараў.
«Забараніць — гэта проста: забараніў — сяджу, радуюся. Забароны заўсёды не на карысць. Трэба перамагаць. Трэба даказаць, што мы лепшыя. Калі пра нас дрэнна пішуць, нам трэба паказваць сваё, добрае, як мы робім на «Марафоне еднасці». Гэта цяжэй, але важна. Гэта будзе ў сэрцы і ў розуме кожнага чалавека», — падкрэсліў Аляксандр Лукашэнка.
У той жа час ён заявіў пра рашучасць «прыняць усе неабходныя меры, калі гэта будзе датычыцца бяспекі і захавання краіны».
«Але цяпер гэта не трэба, няма такой неабходнасці. Шмат хто, я чытаю, піша, асабліва нашы, тыя, хто «звар’яцеў» за мяжой: «Вось, ён тут перад выбарамі, у выбары хоча закрыць інтэрнэт». Я пачынаю абзвоньваць адказных асоб, членаў урада: «Хлопцы, вы, можа, недзе нешта сказалі?» — «Не. Мы не маем права». Я кажу: «Глядзіце, без майго дазволу гэтага не рабіце», — распавёў Аляксандр Лукашэнка.
«Мы ніколі пра гэта не думалі. Хочаце ў інтэрнэце — сядзіце там. Тым больш, 50% інтэрнэту, а можа, і больш — гэта ж карысць», — дадаў Лукашэнка.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары