Łukašenka prakamientavaŭ čutki pra adklučeńnie internetu ŭ dzień vybaraŭ
Jon zajaviŭ pra rašučaść «pryniać usie nieabchodnyja miery, kali heta budzie datyčycca biaśpieki i zachavańnia krainy».
Alaksandr Łukašenka prakamientavaŭ čutki ab mahčymym abmiežavańni internetu padčas vybaraŭ, piša BiełTA.
Jaho spytali ab raspaŭsiudzie siarod moładzi «błohierstva i padobnych zaniatkaŭ» i čutak pra abmiežavańnie internetu padčas vybaraŭ.
«Zabaranić — heta prosta: zabaraniŭ — siadžu, radujusia. Zabarony zaŭsiody nie na karyść. Treba pieramahać. Treba dakazać, što my lepšyja. Kali pra nas drenna pišuć, nam treba pakazvać svajo, dobraje, jak my robim na «Marafonie jednaści». Heta ciažej, ale važna. Heta budzie ŭ sercy i ŭ rozumie kožnaha čałavieka», — padkreśliŭ Alaksandr Łukašenka.
U toj ža čas jon zajaviŭ pra rašučaść «pryniać usie nieabchodnyja miery, kali heta budzie datyčycca biaśpieki i zachavańnia krainy».
«Ale ciapier heta nie treba, niama takoj nieabchodnaści. Šmat chto, ja čytaju, piša, asabliva našy, tyja, chto «zvarjacieŭ» za miažoj: «Voś, jon tut pierad vybarami, u vybary choča zakryć internet». Ja pačynaju abzvońvać adkaznych asob, členaŭ urada: «Chłopcy, vy, moža, niedzie niešta skazali?» — «Nie. My nie majem prava». Ja kažu: «Hladzicie, biez majho dazvołu hetaha nie rabicie», — raspavioŭ Alaksandr Łukašenka.
«My nikoli pra heta nie dumali. Chočacie ŭ internecie — siadzicie tam. Tym bolš, 50% internetu, a moža, i bolš — heta ž karyść», — dadaŭ Łukašenka.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary