«Параілі хаця б раз на год прыязджаць». Беларус не быў у краіне 2,5 года і трапіў на допыт на мяжы
Беларус, які апошнія два з паловай года жыў і працаваў у Еўропе, расказаў у сацыяльных сетках пра вяртанне на радзіму і допыт на мяжы.
Мужчына з'ехаў з Беларусі ў 2022 годзе і вырашыў прыехаць назад у 2025-м. Кажа, што моцна хваляваўся перад перасячэннем мяжы, бо «вы ж разумееце, што цяпер адбываецца… шмат чутак». Ён распавядае, што нават некалькі разоў пераносіў дату паездкі, бо баяўся праходжання мяжы. Але падкрэслівае, што «нічога не парушаў».
На беларускай мяжы мужчыну сапраўды выклікалі «на гутарку». Ён сцвярджае, што ўсё было «даволі культурна і адэкватна».
У беларуса праверылі рэчы, праглядзелі тэлефон.
— Пыталі, што я рабіў у Еўропе, як там за мяжой, ці ёсць сябры з Украіны, ці перадавалі праз мяне што-небудзь у Беларусь. Заходзілі ў мой інстаграм, глядзелі відэаролікі. Задавалі пытанні па відэа: «Што здымаеш? Што ў Беларусі будзеш здымаць?» Сказалі: «Ну ты глядзі, акуратна з відэа». Ну я ў прынцыпе ўсё цудоўна разумею.
Мужчына кажа, што пасля допыту яму параілі хаця б раз на год прыязджаць у краіну. Нібыта гэта дапаможа абыходзіцца без такіх спецыфічных размоў на мяжы.
— Таму што калі цябе не было больш за год, узнікаюць нейкія падазрэнні — цябе выклічуць на допыт, — дзеліцца мужчына сваім назіраннем.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары