«Paraili chacia b raz na hod pryjazdžać». Biełarus nie byŭ u krainie 2,5 hoda i trapiŭ na dopyt na miažy
Biełarus, jaki apošnija dva z pałovaj hoda žyŭ i pracavaŭ u Jeŭropie, raskazaŭ u sacyjalnych sietkach pra viartańnie na radzimu i dopyt na miažy.
Mužčyna źjechaŭ ź Biełarusi ŭ 2022 hodzie i vyrašyŭ pryjechać nazad u 2025-m. Kaža, što mocna chvalavaŭsia pierad pierasiačeńniem miažy, bo «vy ž razumiejecie, što ciapier adbyvajecca… šmat čutak». Jon raspaviadaje, što navat niekalki razoŭ pieranosiŭ datu pajezdki, bo bajaŭsia prachodžańnia miažy. Ale padkreślivaje, što «ničoha nie parušaŭ».
Na biełaruskaj miažy mužčynu sapraŭdy vyklikali «na hutarku». Jon śćviardžaje, što ŭsio było «davoli kulturna i adekvatna».
U biełarusa pravieryli rečy, prahladzieli telefon.
— Pytali, što ja rabiŭ u Jeŭropie, jak tam za miažoj, ci jość siabry z Ukrainy, ci pieradavali praź mianie što-niebudź u Biełaruś. Zachodzili ŭ moj instahram, hladzieli videaroliki. Zadavali pytańni pa videa: «Što zdymaješ? Što ŭ Biełarusi budzieš zdymać?» Skazali: «Nu ty hladzi, akuratna ź videa». Nu ja ŭ pryncypie ŭsio cudoŭna razumieju.
Mužčyna kaža, što paśla dopytu jamu paraili chacia b raz na hod pryjazdžać u krainu. Nibyta heta dapamoža abychodzicca biez takich śpiecyfičnych razmoŭ na miažy.
— Tamu što kali ciabie nie było bolš za hod, uźnikajuć niejkija padazreńni — ciabie vykličuć na dopyt, — dzielicca mužčyna svaim nazirańniem.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj
«Pytalisia, čamu ja nie staŭ šukać pracu ŭ Rasii, a źjechaŭ na Zachad»: biełarusa adpravili «na razmovu» ŭ aeraporcie Maskvy
Kaho zatrymlivajuć paśla pravierki telefona na miažy? Nazirańni ź izalatara
Ciapier čytajuć
Na vučeńniach «Zachad» adpracoŭvajuć napad na Polšču i Litvu pad vyhladam abarony Kalininhrada19
Kamientary