Прэзідэнт Украіны Уладзімір Зяленскі заявіў, што дзякуючы прыняццю пастановы Рады нацыянальнай бяспекі і абароны ў кастрычніку 2022 года на непасрэдныя перамовы з Расіяй ён спыніў сепаратызм у дзяржаве і «ценявыя» перамоўныя працэсы. Пра гэта ён сказаў падчас супольнага брыфінгу з прэзідэнткай Малдовы Маяй Санду.
Зяленскі патлумачыў, што тады ён падпісаў указ аб забароне перамоў з Уладзімірам Пуціным, бо той пабудаваў «вялікую колькасць розных каналаў» разам з сепаратыстамі і прадстаўнікамі іншых краін для ўплыву на Украіну і палітычнае кіраўніцтва.
«Было шмат перамоўных працэсаў, шмат ценявых перамоўных калідораў. Я гэта хутка спыніў. Проста спыніў сепаратызм у нашай дзяржаве. Я забараніў любому, любым палітычным дзеячам ва Украіне праводзіць тыя ці іншыя перамовы з расійскім бокам, з прыхільнікамі Пуціна на працягу вайны. Гэта было, калі іх войскі былі тут, у Кіеўскім рэгіёне», — заявіў Зяленскі.
Паводле яго слоў, тады Пуцін спрабаваў паўплываць на Украіну праз некаторых народных дэпутатаў, дзяржаўныя інстытуты і еўрапейскіх палітыкаў. Таму ён прыняў «абсалютна справядлівую пастанову», бо менавіта ён сам з'яўляецца лідарам тых ці іншых перамоў як прэзідэнт Украіны.
«Усім астатнім я гэта забараніў. Пуціну гэта, вядома не падабалася, таму што каналаў у яго было шмат. Ёсць каналы, пра якія ўсе ведаюць, таму што адпаведныя людзі былі арыштаваныя, а потым мы іх абмянялі на нашых вайскоўцаў, а таксама яны выкарыстоўвалі іншыя каналы, нават у некаторых нашых інстытуцыях, пра што я пакуль не гатовы публічна казаць», — дадаў Зяленскі.
30 верасня 2022 года на пасяджэнні Стаўкі вярхоўнага галоўнакамандуючага Рада нацыянальнай бяспекі і абароны Украіны вырашала зафіксаваць «немагчымасць правядзення перамоў з прэзідэнтам Расійскай Федэрацыі Уладзімірам Пуціным». 4 кастрычніка Уладзімір Зяленскі ўвёў гэтае рашэнне ў дзеянне.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары