Пра планы па стварэнні новых вуліц у Мінску распавяла сакратарка камісіі па найменні і перайменаванні вуліц горада Анастасія Лось у эфіры «Радыё-Мінск».
Новыя вуліцы з'явяцца ў Маскоўскім і Партызанскім раёнах. Гаворка пра жылую забудову на перакрыжаванні вуліц Рафіева і Ясеніна. Для мясцовасці прапанавалі тры назвы: вуліца Бацькі Міная, працяг вуліцы Мачульскага і завулак Вяршынны.
У Партызанскім раёне новыя імёны чакаюць восем вуліц ЖК «Утульны». Пяць з іх плануюць назваць у гонар архітэктараў: Людмілы Графо, Міхаіла Паруснікава, Льва Мацкевіча, Віктара Анікіна, Юрыя Грыгор'ева.
Яшчэ тры прапануюць назваць вуліцай Дыпламатычнай, вуліцай Андрэя Грамыкі, вуліцай Анатоля Гурыновіча.
Новыя назвы павінна зацвердзіць камісія з 16 чалавек. Пасля рашэнне публікуецца ў СМІ і на працягу двух тыдняў грамадскасці прапануюць выказаць сваё меркаванне. Заўвагі можна дасылаць па адрасе вул. Ракаўская, 17. Канчатковае рашэнне застаецца за Мінскім гарадскім Саветам дэпутатаў.
«Беларусы такія беларусы». У тыктоку захапляюцца, як пасажыры дапамаглі кіроўцу тралейбуса ў Мінску
Айцішнік вярнуўся ў Беларусь праз камісію па вяртанні і распавёў, што не так з Іспаніяй
Мінчук ператварыў закінуты куток у музей дзівосных драўляных скульптур
«Мінсктранс» з наступнага панядзелка зменіць маршруты шэрагу аўтобусаў
У Мінсувязі расказалі, калі ў Беларусі з'явіцца 5G
Цяпер чытаюць
Лукашэнка знайшоў незвычайныя словы для спачування Хаменеі: «вераломная атака»1
Каментары