На наступным тыдні пачнуць вывозіць маёмасць.
Будаўнікі хутка пачнуць рамонт касцёла святых Сымона і Алены. Пра гэта агенцтву «Мінск-Навіны» паведаміў дырэктар прадпрыемства «Мінская спадчына» Аляксандр Кохан.
«Комплекс рамонтна-аднаўленчых работ патрэбны для таго, каб забяспечыць захаванасць будынка як помніка архітэктуры і бяспеку яго функцыянавання. Яны ўключаюць у сябе замену і рамонт унутраных і вонкавых інжынерных сетак і аднаўленчыя аздобныя працы. Была распрацавана праектна-каштарысная дакументацыя, якая прайшла адпаведную дзяржаўную экспертызу», — пракаментаваў Кохан.
На перыяд рамонту неабходна вызваліць унутраныя памяшканні касцёла.
«Гэта неабходна для таго, каб забяспечыць захаванасць рухомай маёмасці і не затрымліваць працу будаўнікоў, — удакладніў Кохан. — Дамоўленасць аб вызваленні памяшканняў з пробашчам парафіі дасягнутая. Абмеркаванне гэтага пытання адбылося і на ўзроўні Мінска-Магілёўскай архідыяцэзіі Рымска-каталіцкай царквы ў Рэспубліцы Беларусь, паразуменне ёсць».
Вывозіць маёмасць пачнуць на наступным тыдні. Затым у будынку Чырвонага касцёла пачнуцца рамонтна-аднаўленчыя работы.
Касцёл закрыты пасля таго, у ноч на 26 верасня 2022 года там адбыўся невялікі пажар. У кастрычніку 2022-га ўлады забралі касцёл у вернікаў. У 2024-м звольніўся ксёндз Уладзіслаў Завальнюк, які шмат гадоў быў пробашчам храма.
Ад зачыненага Чырвонага касцёла патрабуюць амаль 150 тысяч рублёў
«Няпраўда абурае». Вернікі расказалі, што не так са звальненнем пробашча Чырвонага касцёла
Вернікі просяць біскупа, каб ён аднавіў Завальнюка на пасадзе пробашча Чырвонага касцёла
«Няўжо мы, вернікі Беларусі, заслужылі такое пакаранне?» Парафія зачыненага Чырвонага касцёла звярнулася да Наталлі Пяткевіч
Каментары