Na nastupnym tydni pačnuć vyvozić majomaść.
Budaŭniki chutka pačnuć ramont kaścioła śviatych Symona i Aleny. Pra heta ahienctvu «Minsk-Naviny» paviedamiŭ dyrektar pradpryjemstva «Minskaja spadčyna» Alaksandr Kochan.
«Kompleks ramontna-adnaŭlenčych rabot patrebny dla taho, kab zabiaśpiečyć zachavanaść budynka jak pomnika architektury i biaśpieku jaho funkcyjanavańnia. Jany ŭklučajuć u siabie zamienu i ramont unutranych i vonkavych inžyniernych sietak i adnaŭlenčyja azdobnyja pracy. Była raspracavana prajektna-kaštarysnaja dakumientacyja, jakaja prajšła adpaviednuju dziaržaŭnuju ekśpiertyzu», — prakamientavaŭ Kochan.
Na pieryjad ramontu nieabchodna vyzvalić unutranyja pamiaškańni kaścioła.
«Heta nieabchodna dla taho, kab zabiaśpiečyć zachavanaść ruchomaj majomaści i nie zatrymlivać pracu budaŭnikoŭ, — udakładniŭ Kochan. — Damoŭlenaść ab vyzvaleńni pamiaškańniaŭ z probaščam parafii dasiahnutaja. Abmierkavańnie hetaha pytańnia adbyłosia i na ŭzroŭni Minska-Mahiloŭskaj archidyjacezii Rymska-katalickaj carkvy ŭ Respublicy Biełaruś, parazumieńnie jość».
Vyvozić majomaść pačnuć na nastupnym tydni. Zatym u budynku Čyrvonaha kaścioła pačnucca ramontna-adnaŭlenčyja raboty.
Kaścioł zakryty paśla taho, u noč na 26 vieraśnia 2022 hoda tam adbyŭsia nievialiki pažar. U kastryčniku 2022-ha ŭłady zabrali kaścioł u viernikaŭ. U 2024-m zvolniŭsia ksiondz Uładzisłaŭ Zavalniuk, jaki šmat hadoŭ byŭ probaščam chrama.
Ad začynienaha Čyrvonaha kaścioła patrabujuć amal 150 tysiač rubloŭ
«Niapraŭda aburaje». Vierniki raskazali, što nie tak sa zvalnieńniem probašča Čyrvonaha kaścioła
Vierniki prosiać biskupa, kab jon adnaviŭ Zavalniuka na pasadzie probašča Čyrvonaha kaścioła
«Niaŭžo my, vierniki Biełarusi, zasłužyli takoje pakarańnie?» Parafija začynienaha Čyrvonaha kaścioła źviarnułasia da Natalli Piatkievič
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary