Латушка: Анжалікі Мельнікавай няма ні ў Польшчы, ні хутчэй за ўсё ў Беларусі
«Па апошняй інфармацыі ад польскіх праваахоўнікаў спікерка Каардынацыйнай Рады Анжаліка Мельнікава не знаходзіцца на тэрыторыі Польшчы, але хутчэй за ўсе яна таксама не знаходзіцца на тэрыторыі Беларусі. Дакладнае месцазнаходжанне Анжалікі Мельнікавай не ўсталявана», — паведаміў у сваім тэлеграм-канале Павел Латушка.
Адначасова каманда НАУ тэхнічным спосабам устанавіла, што яе тэлефон мог знаходзіцца на тэрыторыі Беларусі 19 і 25 сакавіка.
На накіраваны раней запыт Паўла Латушкі ў Следчы аддзел Камендатуры сталічнай паліцыі сёння адказалі па электроннай пошце, што папярэднюю вытворчасць па паведамленні аб абгрунтаваным падазрэнні ў здзяйсненні злачынства, якое Павел Латушка падаў у Камендатуру сталічнай паліцыі, вядзе аддзел па барацьбе з крымінальным тэрорам і забойствамі Камендатуры сталічнай паліцыі Варшавы. Павел Латушка быў праінфармаваны аб тым, што яго зварот быў пераадрасаваны ў вышэй згаданы аддзел.
Пра знікненне спікеркі Каардынацыйнай рады Анжалікі Мельнікавай яе калегі паведамілі ўвечары 28 сакавіка. У заяве Паўла Латушкі гаварылася, што сувязь адсутнічае з 25 сакавіка, аднак гаворка ідзе пра анлайн-камунікацыю. Насамрэч Мельнікаву ўжывую не бачылі ўжо даўным-даўно. Пазней стала вядома, што Анжаліка Мельнікава пакінула тэрыторыю Еўрасаюза 26 лютага, а яе былы муж з'ехаў з Польшчы ў Беларусь 3 сакавіка.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары