Łatuška: Anžaliki Mielnikavaj niama ni ŭ Polščy, ni chutčej za ŭsio ŭ Biełarusi
«Pa apošniaj infarmacyi ad polskich pravaachoŭnikaŭ śpikierka Kaardynacyjnaj Rady Anžalika Mielnikava nie znachodzicca na terytoryi Polščy, ale chutčej za ŭsie jana taksama nie znachodzicca na terytoryi Biełarusi. Dakładnaje miescaznachodžańnie Anžaliki Mielnikavaj nie ŭstalavana», — paviedamiŭ u svaim telehram-kanale Pavieł Łatuška.
Adnačasova kamanda NAU techničnym sposabam ustanaviła, što jaje telefon moh znachodzicca na terytoryi Biełarusi 19 i 25 sakavika.
Na nakiravany raniej zapyt Paŭła Łatuški ŭ Śledčy adździeł Kamiendatury staličnaj palicyi siońnia adkazali pa elektronnaj pošcie, što papiaredniuju vytvorčaść pa paviedamleńni ab abhruntavanym padazreńni ŭ ździajśnieńni złačynstva, jakoje Pavieł Łatuška padaŭ u Kamiendaturu staličnaj palicyi, viadzie adździeł pa baraćbie z kryminalnym teroram i zabojstvami Kamiendatury staličnaj palicyi Varšavy. Pavieł Łatuška byŭ prainfarmavany ab tym, što jaho zvarot byŭ pieraadrasavany ŭ vyšej zhadany adździeł.
Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha, a jaje były muž źjechaŭ z Polščy ŭ Biełaruś 3 sakavika.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary