Арганізацыя Паўночнаатлантычнага дагавора (НАТА) страціла сэнс пасля спынення існавання СССР і «павінна была быць расфарміравана», заявіў міністр замежных спраў Расіі Сяргей Лаўроў.
На яго думку, распад усходняга блока прывёў да разбурэння папярэдняй палітычнай сістэмы і знікнення пагрозы, якой супрацьстаяў Альянс. У сувязі з гэтым, паводле слоў Лаўрова, НАТА след было ліквідаваць яшчэ тады, аднак яна не толькі засталася, але і абвясціла сябе адзінай арганізацыяй, здольнай забяспечваць гарантыі бяспекі.
Міністр назваў гэта «правальнай» стратэгіяй і даў зразумець, што пытанне расфарміравання блока застаецца актуальным. З яго пункту гледжання, НАТА, а таксама іншая «еўраатлантычная структура» — АБСЕ «пацярпелі няўдачу», не здолеўшы «ўмацаваць бяспеку і стабільнасць». Лаўроў лічыць, што альянсам «маніпулявалі тыя, хто не хацеў дзяліцца выгодамі ад забеспячэння бяспекі».
«Адзінае, у чым яны сапраўды дамагліся поспеху, — гэта распальванне напружанасці і рэмілітарызацыя Еўропы, уключаючы Германію… Усе «намаганні» гэтага еўраатлантычнага супольніцтва сканцэнтраваныя на падрыхтоўцы да новай вайны. Германія разам з Францыяй і Вялікабрытаніяй узначальваюць гэты працэс», — заявіў міністр.
-
Каталікі-трампісты ўз'еліся на першага амерыканскага Папу: Леў XIV працягвае лева-прагрэсіўную палітыку Францішка
-
У 10‑мільённым Тэгеране дэфіцыт вады. Жыхароў папярэдзілі пра магчымую эвакуацыю
-
Нарвегія можа стаць гарантам еўрапейскага крэдыту Украіне, вылучыўшы на гэта частку свайго Суверэннага фонду
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»23
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары