Arhanizacyja Paŭnočnaatłantyčnaha dahavora (NATA) straciła sens paśla spynieńnia isnavańnia SSSR i «pavinna była być rasfarmiravana», zajaviŭ ministr zamiežnych spraŭ Rasii Siarhiej Łaŭroŭ.
Na jaho dumku, raspad uschodniaha błoka pryvioŭ da razbureńnia papiaredniaj palityčnaj sistemy i źniknieńnia pahrozy, jakoj supraćstajaŭ Aljans. U suviazi z hetym, pavodle słoŭ Łaŭrova, NATA śled było likvidavać jašče tady, adnak jana nie tolki zastałasia, ale i abviaściła siabie adzinaj arhanizacyjaj, zdolnaj zabiaśpiečvać harantyi biaśpieki.
Ministr nazvaŭ heta «pravalnaj» stratehijaj i daŭ zrazumieć, što pytańnie rasfarmiravańnia błoka zastajecca aktualnym. Ź jaho punktu hledžańnia, NATA, a taksama inšaja «jeŭraatłantyčnaja struktura» — ABSIE «paciarpieli niaŭdaču», nie zdoleŭšy «ŭmacavać biaśpieku i stabilnaść». Łaŭroŭ ličyć, što aljansam «manipulavali tyja, chto nie chacieŭ dzialicca vyhodami ad zabieśpiačeńnia biaśpieki».
«Adzinaje, u čym jany sapraŭdy damahlisia pośpiechu, — heta raspalvańnie napružanaści i remilitaryzacyja Jeŭropy, uklučajučy Hiermaniju… Usie «namahańni» hetaha jeŭraatłantyčnaha supolnictva skancentravanyja na padrychtoŭcy da novaj vajny. Hiermanija razam z Francyjaj i Vialikabrytanijaj uznačalvajuć hety praces», — zajaviŭ ministr.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary