Трамп паабяцаў раскрыць дэталі «мірнага пагаднення» паміж Расіяй і Украінай на працягу трох дзён
Прэзідэнт ЗША Дональд Трамп лічыць, што існуюць «вельмі добрыя» шанцы на заключэнне нейкага «мірнага пагаднення» паміж Расіяй і Украінай. Пра гэта ён сказаў журналістам падчас велікоднага мерапрыемства ў Белым доме 21 красавіка, піша «Еўрапейская праўда».
На пытанне пра магчымыя дэталі «мірнай дамоўленасці», якую ЗША прапануюць заключыць паміж Украінай і Расіяй, Трамп паабяцаў «аб'явіць поўныя дэталі на працягу наступных трох дзён».
«Але ў нас былі вельмі добрыя сустрэчы па Украіне і Расіі», — дадаў ён.
Пазней, адказваючы на пытанне пра магчымасць заключэння такога «мірнага пагаднення» на гэтым тыдні, амерыканскі прэзідэнт адказаў сцвярджальна.
«Ёсць вельмі добры шанец», — сказаў Трамп.
Раней агенцтва Bloomberg паведамляла, што амерыканскія прапановы па заключэнні «мірнага пагаднення» паміж Расіяй і Украінай прадугледжваюць паслабленне санкцый супраць Расіі ў выпадку працяглага спынення агню, патэнцыйнае прызнанне ЗША здзейсненай у 2014 годзе анексіі Крыма і недалучэння Украіны да НАТА.
Цяпер ЗША, паводле звестак выдання, чакаюць адказу Кіева. Ён, як чакаецца, будзе дадзены на сустрэчы амерыканскіх, украінскіх і еўрапейскіх чыноўнікаў у Лондане ў канцы гэтага тыдня.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары