Футбаліста зборнай Беларусі, які раней гуляў у партугальскім клубе, а цяпер у расійскім, прызвалі ў армію, ён ужо прыняў прысягу
22-гадовы беларускі паўабаронца махачкалінскага «Дынама» Кірыл Зіновіч прызваны на тэрміновую службу ў армію. Пра гэта паведаміў расійскі журналіст Сяргей Ільеў, піша «Беларускі футбол».
Паводле яго звестак, Зіновіч пасля атрымання позвы вярнуўся на радзіму, дзе прыняў прысягу. Адзначаецца, што паўабаронца правёў дзень у транспартных войсках, пасля чаго вярнуўся ў размяшчэнне «Дынама» і прыняў удзел у матчы супраць «Зеніта».
— Фактычна цяпер ён знаходзіцца ў звальненні. Пасля заканчэння сезона ў маі гулец павінен адправіцца ў частку. Служыць яму паўтара года.
Які выхад з гэтай сітуацыі? Пераход Зіновіча ў клуб з роднай краіны, дзе ён зможа сумяшчаць футбол і вайсковую службу? У якасці варыянта — працяг кар’еры ў «Слуцку»: ён служыць паблізу, — адзначае Ільеў.
У цяперашнім сезоне Зіновіч правёў 31 матч за «Дынама». У сакавіку гэтага года паўабаронца дэбютаваў за нацыянальную зборную Беларусі ў гульні супраць Таджыкістана.
Варта адзначыць, што кантракт 22-гадовага гульца з клубам РПЛ дзейнічае яшчэ два гады.
Увосень 2022 года Кірыл перайшоў у партугальскую «Віторыю», але яго заявілі ў склад другой каманды, якая выступала ў трэцім дывізіёне чэмпіянату Партугаліі. Правёў за клуб 25 матчаў.
-
«Усё, чаго я хацела дасягнуць у жыцці, я зрабіла ў Польшчы». Легкаатлетка Жодзік расказала пра Беларусь, перамогу і свой ганарар
-
Найлепшы гулец матча трэцяга дывізіёна атрымаў у падарунак вядро журавін
-
Беларуска Марыя Жодзік прынесла Польшчы адзіны медаль на чэмпіянаце свету па лёгкай атлетыцы — срэбра
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары