Futbalista zbornaj Biełarusi, jaki raniej hulaŭ u partuhalskim kłubie, a ciapier u rasijskim, pryzvali ŭ armiju, jon užo pryniaŭ prysiahu
22-hadovy biełaruski paŭabaronca machačkalinskaha «Dynama» Kirył Zinovič pryzvany na terminovuju słužbu ŭ armiju. Pra heta paviedamiŭ rasijski žurnalist Siarhiej Iljeŭ, piša «Biełaruski futboł».
Pavodle jaho źviestak, Zinovič paśla atrymańnia pozvy viarnuŭsia na radzimu, dzie pryniaŭ prysiahu. Adznačajecca, što paŭabaronca pravioŭ dzień u transpartnych vojskach, paśla čaho viarnuŭsia ŭ raźmiaščeńnie «Dynama» i pryniaŭ udzieł u matčy suprać «Zienita».
— Faktyčna ciapier jon znachodzicca ŭ zvalnieńni. Paśla zakančeńnia siezona ŭ mai hulec pavinien adpravicca ŭ častku. Słužyć jamu paŭtara hoda.
Jaki vychad z hetaj situacyi? Pierachod Zinoviča ŭ kłub z rodnaj krainy, dzie jon zmoža sumiaščać futboł i vajskovuju słužbu? U jakaści varyjanta — praciah karjery ŭ «Słucku»: jon słužyć pablizu, — adznačaje Iljeŭ.
U ciapierašnim siezonie Zinovič pravioŭ 31 matč za «Dynama». U sakaviku hetaha hoda paŭabaronca debiutavaŭ za nacyjanalnuju zbornuju Biełarusi ŭ hulni suprać Tadžykistana.
Varta adznačyć, što kantrakt 22-hadovaha hulca z kłubam RPŁ dziejničaje jašče dva hady.
Uvosień 2022 hoda Kirył pierajšoŭ u partuhalskuju «Vitoryju», ale jaho zajavili ŭ skład druhoj kamandy, jakaja vystupała ŭ trecim dyvizijonie čempijanatu Partuhalii. Pravioŭ za kłub 25 matčaŭ.
Ciapier čytajuć
Stvaralnica sietki kafe Myloverberry raspaviała, jak razam z mužam zahnała paśpiachovy biznes u daŭhi1
Kamientary