Яшчэ двое дзяцей і іх бацькі дастаўлены ў бальніцу.
Учора каля 23:35 55-гадовы кіроўца аўтамабіля Mercedes у счэпцы з паўпрычэпам рухаўся на 58-м кіламетры дарогі «Іўе — Тракелі — Радунь» з боку аграгарадка Пагародна ў напрамку Радуні, паведамляе тэлеграм-канал «102. Нёман».
Пры выездзе з закруглення дарогі ён здзейсніў з’езд на правую абочыну, у выніку чаго страціў кіраванне над аўтамабілем. У выніку машына апынулася на паласе сустрэчнага руху, дзе адбылося лабавое сутыкненне з «Audi» пад кіраваннем 34-гадовага мужчыны.
Кіроўца «Audi», а таксама 27-гадовая пасажырка і двое непаўналетніх дзяцей былі дастаўлены ў бальніцу з пашкоджаннямі рознай ступені цяжкасці. Трэцяе аднагадовае дзіця 2024 года нараджэння загінула на месцы аварыі.
Кіроўца грузавога аўтамабіля збег з месца здарэння, аднак неўзабаве быў затрыманы міліцыяй паблізу аграгарадка Пагародна. На момант затрымання мужчына знаходзіўся ў стане алкагольнага ап’янення.
Заведзена крымінальная справа.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары