Jašče dvoje dziaciej i ich baćki dastaŭleny ŭ balnicu.
Učora kala 23:35 55-hadovy kiroŭca aŭtamabila Mercedes u sčepcy z paŭpryčepam ruchaŭsia na 58-m kiłamietry darohi «Iŭje — Trakieli — Raduń» z boku ahraharadka Paharodna ŭ napramku Raduni, paviedamlaje telehram-kanał «102. Nioman».
Pry vyjeździe z zakruhleńnia darohi jon ździejśniŭ źjezd na pravuju abočynu, u vyniku čaho straciŭ kiravańnie nad aŭtamabilem. U vyniku mašyna apynułasia na pałasie sustrečnaha ruchu, dzie adbyłosia łabavoje sutyknieńnie z «Audi» pad kiravańniem 34-hadovaha mužčyny.
Kiroŭca «Audi», a taksama 27-hadovaja pasažyrka i dvoje niepaŭnaletnich dziaciej byli dastaŭleny ŭ balnicu z paškodžańniami roznaj stupieni ciažkaści. Treciaje adnahadovaje dzicia 2024 hoda naradžeńnia zahinuła na miescy avaryi.
Kiroŭca hruzavoha aŭtamabila źbieh ź miesca zdareńnia, adnak nieŭzabavie byŭ zatrymany milicyjaj pablizu ahraharadka Paharodna. Na momant zatrymańnia mužčyna znachodziŭsia ŭ stanie ałkaholnaha apjanieńnia.
Zaviedziena kryminalnaja sprava.
-
U Pružanach sa stralaninaj zatrymlivali kiroŭcu biez pravoŭ
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary