Адбыўся выбух на сербскім вайсковым заводзе, які перад тым згадвала расійская разведка
30 мая раніцай на вайсковым заводзе «Крушык» у сербскім горадзе Валева адбыўся выбух. Паводле інфармацыі мясцовых СМІ і прадстаўнікоў завода, пацярпелі некалькі чалавек.
Пры выбуху, які адбыўся ў капсульным цэху, адзін работнік атрымаў парэзы, а яшчэ чацвёра скардзіліся на шум у вушах. Усе былі дастаўленыя ў бальніцу для аказання медыцынскай дапамогі.
Цікава, што за два дні да здарэння Служба знешняй разведкі Расіі сцвярджала, што завод «Крушык» і іншыя сербскія прадпрыемствы нібыта пастаўляюць зброю Украіне, хоць афіцыйны Бялград заяўляе пра нейтралітэт. Расійскі бок заяўляе, што пастаўкі ідуць праз пасярэднікаў з краін НАТА і нават Афрыкі, з выкарыстаннем фальшывых дакументаў.
Прэзідэнт Сербіі Аляксандр Вучыч на гэта заявіў, што створаная спецыяльная група разам з расійскім бокам для разбору сітуацыі. Ён таксама падкрэсліў, што калі знойдуць доказы паставак зброі ва Украіну, то ён будзе блакаваць такія здзелкі.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі27
Каментары