СБУ сцвярджае, што знішчаны або пашкоджаны 41 самалёт стратэгічнай авіяцыі Расіі — падрабязнасці спецаперацыі
Саму аперацыю рыхтавалі больш за паўтара года, паведамляюць крыніцы «Суспільне» і «РБК-Украіна» у СБУ.
Са слоў суразмоўцаў, СБУ спачатку пераправіла ў Расію fpv-дроны, а затым — мабільныя драўляныя домікі. Пазней на тэрыторыі Расіі дроны былі схаваныя пад дахі хатак, размешчаных ужо на грузавых аўто.
У патрэбны момант дахі дамоў дыстанцыйна адкрылі, а дроны паляцелі паражаць расійскія бамбавікі. У выніку Украіна паразіла 41 аб'ёкт.
«Бабель» са спасылкай на крыніцы піша, што аперацыю «Павуціна» асабіста кантраляваў прэзідэнт Украіны Уладзімір Зяленскі, а рэалізоўвалі кіраўнік СБУ Васіль Малюк і супрацоўнікі службы.
«Крыніцы ў СБУ падкрэсліваюць, што людзі, якія бралі ўдзел у гэтай гістарычнай спецаперацыі, ужо даўно знаходзяцца ва Украіне», — піша «РБК-Украіна».
З раніцы 1 чэрвеня Украіна масіравана атакавала расійскія аэрадромы.
Пад атаку трапілі аэрадром «Дзягілева» ў Разанскай вобласці, «Аленья» ў Мурманскай вобласці, «Белая» ў Іркуцкай вобласці і «Іванава» ў Іванаўскай вобласці. Усе гэтыя аб’екты з’яўляюцца важнымі стратэгічнымі базамі для расійскай вайсковай авіяцыі.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары
Пра гэта будуць пісаць у падручніках!
Дзякуй СБУ & ГУР!
Дзякуй ЗСУ!
ДЗЯКУЙ УКРАІНА!!!
ДЗЯКУЙ!!!