Ціханоўскі расказаў, як за дапамогу яму асудзілі іншага вязня, што сядзеў не за палітыку
«Ён недзе там словам падтрымае, яшчэ нешта, стрыжань мне перадаваў… А яго за гэта таксама каралі».
Падчас прэс-канферэнцыі блогер і былы палітвязень Сяргей Ціханоўскі расказаў, што за палітыку за кратамі цярпяць і тыя вязні, якія трапілі па непалітычных артыкулах.
«У вас там лічыцца прыкладна 1100 палітзняволеных, але яшчэ ёсць адна катэгорыя, пра якую вы не ведаеце зусім. Ёсць проста зняволеныя па іншых артыкулах, якія селі ў 2020 годзе, напрыклад, па 328 (артыкул за наркотыкі. — НН), і ў іх прафулік экстрэмісцкі. Гэта людзі, якія мне дапамагалі, напрыклад, і яны экстрэмістамі сталі ўжо там. І трэба ім таксама дапамагчы, гэтым людзям. Я вас прашу: гэтых людзей таксама трэба выцягваць», — заплакаў Сяргей Ціханоўскі, калі казаў пра іншых вязняў.
Ён згадаў аднаго з такіх хлопцаў, які сядзеў па 328-м артыкуле.
«Ён недзе там словам падтрымае, яшчэ нешта, стрыжань мне перадаваў… А яго за гэта таксама каралі. І пасля даюць гэты прафулік экстрэмісцкі, яго адпраўляюць у калонію, яго зноў у турму… Ён ужо два разы ў турме праз гэты прафулік. Гэта таксама ўжо наш чалавек, яго трэба ратаваць».
Ціханоўскі дадаў, што шмат людзей за кратамі спрабавалі дапамагаць яму.
Ціханоўскі расказаў падрабязнасці пра сустрэчу ў СІЗА КДБ у 2020 годзе
«Напішы, што ты не супраць, каб цябе адправілі за мяжу». Ціханоўскі распавёў, як да яго прыязджаў Пратасевіч
«Я знаходзіўся на рэжыме, які называецца «жэстачайшым». Ціханоўскі праз слёзы расказаў пра ўмовы ўтрымання палітвязняў
«Кажу — прыеду і нікому там рукі не падам». Ціханоўскі расказаў, як рэагаваў на хлусню наконт жонкі і апазіцыі
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары