Ціханоўскі расказаў падрабязнасці пра сустрэчу ў СІЗА КДБ у 2020 годзе
«Нас было 12. Ён — 13-ты. Коля ў яго за спінай сядзіць». Сяргей Ціханоўскі адказаў на пытанне «Нашай Нівы» пра закрытую сустрэчу ў СІЗА КДБ у 2020 годзе.
«Значыць, маленькі пакой, 12 зняволеных сядзяць. І на чале — 13-ты, ну вы зразумелі, так? Ён. Ён — і 12, як вучні, ну вы разумееце, пра што я.
Злева — самыя блізкія, тыя, што ўжо здалі ўсіх, заўтра ўжо выходзяць. Вось ён, Васкрасенскі, і побач з ім — той з «Панды», хлопец, дырэктарам быў. Ну яны ўжо падпісалі паперы і ківаюць яму — Аляксандру Рыгоравічу», — кажа Ціханоўскі.
Тры камеры на сценах — з усіх бакоў здымаюць.
«І каб вы разумелі, Аляксандр Рыгоравіч жыве выключна паводле Макіявелі. Выключна. Увесь дыялог з Бабарыкам ён вядзе, кажучы: Ціханоўскі — гэта будучы прэзідэнт. Тры разы паўтарае. Маўляў, яна [Святлана] яму потым перадасць уладу. Каб Бабарыку настроіць», — згадвае Ціханоўскі.
Пяць гадзін доўжылася гутарка. «У асноўным ён нёс якуюсь лухту пра УНС, рэформы, Канстытуцыю. А нам гэта ўвогуле не было патрэбна. То бок ён сабраў усіх, каб паказаць, быццам з кімсьці размаўляе. Прыходзіць і кажа: якія ў вас прапановы па Канстытуцыі?» — распавядае Ціханоўскі.
Ён кажа, што адмовіўся паціскаць руку Лукашэнку.
«Ён заходзіць і пачынае ўсім рукі паціскаць. Тры камеры і так здымалі, яшчэ яго аператар. Раз… два… Бабарыку. То бок усіх нахрапам. Да мяне падыходзіць — а я яму руку не даю.
І ён: а чаму? Зараз вы зразумееце, што за чалавек! Ён: чаму не даеш руку? Я кажу: так каранавірус жа. А ён: дык я ўжо перахварэў.
Вы ўяўляеце? Чмо гэтае — думае толькі пра сябе. Я не даю — бо каранавірус. А ён — «дык я ж ужо перахварэў».
І напрыканцы я яму таксама руку не даў. І вось загналі потым на камеру, што Бабарыка, маўляў, паціскае яму руку. Уяўляеце, якая нізасць».
Ціханоўскі кажа, што спытаў Лукашэнку, навошта яму грошы падкінулі.
Той спачатку адмаўляў гэта: «Я ж не падкідваў».
Але трэці раз, бліжэй да канца сустрэчы, Лукашэнка адказаў:
«А як вы хацелі? Палітыка — гэта брудная справа. Вы павінны быць гатовыя да таго, што вам падкінуць грошы, схопяць, пасадзяць, як у турму. І Бабарыка кажа: «А мы думалі, што можна з чыстымі рукамі». А ён кажа: «Не!» А ў Беларусі ж палітыка — гэта толькі ён. Уяўляеце? І ён такое прызнанне робіць. Палітыка — гэта брудная справа. І пакуль ён там…
А там сапраўды такая палітыка. Вы ўяўляеце, што яны робяць? Ён гэта прызнаў».
Паводле Сяргея, Лукашэнка скардзіўся, што Ціханоўскі абзываўся на яго.
«Я кажу: вы на мяне сказалі — шалудзівы, майданутыя, «крысы» на нас. А я на вас толькі метафару сказаў.
І вы ўжо — усё, кашмар нейкі, пакрыўдзіўся. Пакрыўдзіўся! Уяўляеце? Вось. То бок вось такі чалавек. Чалавек — жах. Кашмар».
Ціханоўскі распавёў, што папрасіў, каб яго не паказвалі ў кадры з сустрэчы. І Лукашэнка паабяцаў.
«І ў гэты дзень мяне сапраўды не паказвалі. А потым, выглядае, праз нейкі час пачалі паказваць. Чалавек увогуле слова не трымае», — абурыўся Ціханоўскі.
Таксама, кажа Сяргей, была фальсіфікацыя яго слоў пра Колю. «Адзін выраз вырывае з маіх зносін з адвакатам у СІЗА КДБ пра Колю. Другі — з гэтай сустрэчы. Склейваюць так, нібыта я Колю пагражаю».
«Яны падслухоўваюць размову з адвакатам — гэта ж адвакацкая таямніца. Любому забойцу дазваляецца прызнавацца ў злачынстве свайму адвакату. І ніхто не мае права гэта слухаць і выкарыстоўваць супраць яго», — кажа Ціханоўскі.
Ён лічыць тую сустрэчу «проста піярам». «Вось нейкую лухту вешае на вушы. І сам у яе верыць. І іншым гэта распавядае», — кажа Ціханоўскі пра Лукашэнку.
«Напішы, што ты не супраць, каб цябе адправілі за мяжу». Ціханоўскі распавёў, як да яго прыязджаў Пратасевіч
«Я знаходзіўся на рэжыме, які называецца «жэстачайшым». Ціханоўскі праз слёзы расказаў пра ўмовы ўтрымання палітвязняў
Ціханоўскі распавёў, колькі важыць і як яго адкормлівалі
«Кажу — прыеду і нікому там рукі не падам». Ціханоўскі расказаў, як рэагаваў на хлусню наконт жонкі і апазіцыі
«Вызваленне Беларусі не можа пачацца, пакуль не рухне пуцінскі рэжым» — Ціханоўскі
«Личинки в навозной куче не знают, что они в дерьме». Ціханоўскі прачытаў свой турэмны верш
«Мы павінны змагацца супраць лукашызму». Першая прамова Сяргея Ціханоўскага на волі
Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі
Цяпер чытаюць
Стаў вядомы сэнс крымінальнай «справы страхаўшчыкоў»11
Каментары
А то что вся встреча построена на вранье, не важно? Но это было ясно давно.
Что меня поражало ещё тогда, в 20, когда встречу показывали по телевизору, это то, что он фактически сам признал, что они политические.
Их же осуждали за призывы к свержению конституционного строя, за терроризм и экстремизм. Знака и Власову за то, что они были в Координационном совете. Говорили, что заключённые — угроза безопасности страны, и поэтому они сидят.
Но тут президент встречается за одним столом с более чем десятком человек. Они же не в кандалах. Если что, могли на него напасть, их больше, а с ним только Эйсмонт и Коля. Тут могла быть реальная угроза ему, если бы заключенные были теми, за кого их выдавали власти. Это настолько противоречиво было — их объявляли заговорщиками против "законного президента", но он не боялся быть с ними в одном помещении и не посчитал это угрозой своей безопасности.