Як паведамляе «Радыё Свабода» са спасылкай на сайт Міністэрства ўнутраных спраў Сербіі, сярод затрыманых — шэсць грамадзян, якія, паводле следства, планавалі напады на чыноўнікаў і паліцэйскіх, захоп дзяржаўных устаноў, радыё, тэлебачання і рэдакцый СМІ.
Паліцыя не назвала імёны затрыманых, адзначыўшы толькі іх ініцыялы.
Паводле мясцовых СМІ, гэта былы старшыня Вайсковага прафсаюза Сербіі Новіца Анціч, палітык Іван Матавіч, капітан у адстаўцы Бранка Мамчылавіч, былы прапаршчык Відан Каляіч і экс-паліцэйскі Срджан Гаявіч. Імя яшчэ аднаго, з ініцыяламі В. К., невядомае.
Сербскія СМІ падрыхтавалі супольнае расследаванне, з якога вынікае, што затрыманыя планавалі справакаваць натоўп студэнтаў-пратэстоўцаў, якія мусілі стаць асноўнай сілай перавароту, а таксама абмяркоўвалі неабходнасць парытэту паміж пратэстоўцамі розных поглядаў.
Арышт Анціча пацвердзіў Балканскай службе «Радыё Свабода» ягоны адвакат. У 2023 годзе неназваная заходняя выведка абвінавачвала Новіцу Анціча ў працы на ФСБ, паведамляла выданне Politico.
Згодна з дакументамі разведкі, Анціча завербаваў галоўны рэдактар выдання «Ветэранскія весткі» Вячаслаў Калінін. На сайце выдання напісана, што рэдакцыя актыўна супрацоўнічае з Міністэрствам абароны, МУС, Нацыянальнай гвардыяй Расіі, а сам Калінін атрымаў ганаровую грамату ад прэзідэнта Расіі Уладзіміра Пуціна, паведаміла «Настоящее время».
Інфармацыю пра сувязі іншых затрыманых з Расіяй знайсці не ўдалося. Матавіч — рэгіянальны правакансерваыўны праеўрапейскі палітык, іншыя — ветэраны балканскіх войнаў.
У Сербіі больш за паўгода доўжыцца пратэст студэнтаў супраць карупцыі і палітыкі ўладаў. На масавыя шэсці ў Бялградзе выходзілі дзясяткі тысяч людзей. Чарговы пратэст плануюць на 28 чэрвеня. Затрыманы адзін студэнт-пратэстоўца Стэфан Томіч паводле падазрэння ў закліках да негвалтоўнай змены канстытуцыйнага ладу. Прадстаўнікі студэнцтва і апазіцыі асудзілі ягоны арышт і назвалі гэта ціскам і запалохваннем з боку ўладаў.
Служба знешняй разведкі Расіі (СВР) у апошні месяц абвінаваціла сербскія кампаніі ў пастаўках сотняў тысяч снарадаў для ўстаноўкі «Град», а таксама ракет і мінамётных боепрыпасаў Кіеву праз пасярэднікаў. У Маскве назвалі гэта «стрэлам у спіну».
Прэзідэнт Сербіі Аляксандар Вучыч даручыў расследаваць гэтыя абвінавачванні, а пазней абвясціў пра поўнае спыненне вайсковых паставак за мяжу. У траўні лідар Сербіі, якая прытрымліваецца нейтралітэту ў вайне Расіі супраць Украіны, наведаў Маскву, а ў чэрвені — саміт «Украіна — Паўднёва-Усходняя Еўропа», што праходзіў у Адэсе.
Кая Калас: Сербія павінна зрабіць геапалітычны выбар
З урада Сербіі выключылі галоўнага прарасійскага палітыка
Сербская апазіцыя абвінаваціла ўлады ў выкарыстанні забароненай гукавой зброі супраць пратэстоўцаў
Расіяне, набліжаныя да Крамля, сотнямі атрымліваюць сербскія пашпарты, якія даюць бязвіз у Еўрасаюз
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»17
Каментары