Мігранты заплацілі правадніку за незаконнае перасячэнне беларуска-польскай мяжы сем тысяч даляраў
Афганцы і пакістанцы прыляцелі ў Маскву, потым дабраліся да Беларусі, каб трапіць у Еўрасаюз. Але ў Польшчы іх затрымалі.
26 чэрвеня польскія сілавікі ў Бялках спынілі для праверкі «Мерседэс». За рулём быў грамадзянін Украіны, ён вёз пяцярых мужчын.
Дакументы былі толькі ў аднаго з іх, грамадзяніна Афганістана. Астатнія назвалі сябе афганцамі і пакістанцамі. Яны патлумачылі, што трапілі ў Польшчу нелегальна, піша Super Express.
Мужчыны расказалі, што некалькі месяцаў таму прыляцелі ў Маскву, а потым дабраліся да Беларусі. Там яны знайшлі чалавека, які згадзіўся дапамагчы ім перабрацца праз беларуска-польскую мяжу. Гэтым чалавекам мігранты заплацілі ад 2 да 7 тысяч даляраў.
Пагранічная служба вырашыла дэпартаваць мужчын і забараніла ім уезд у Шэнгенскую зону на тры гады. А вось 28-гадовага ўкраінца, які вёз іх па Польшчы, арыштавалі на тры месяцы. Яму пагражае да васьмі гадоў турмы за ўдзел у арганізацыі нелегальнай міграцыі.
Каментары