Mihranty zapłacili pravadniku za niezakonnaje pierasiačeńnie biełaruska-polskaj miažy siem tysiač dalaraŭ
Afhancy i pakistancy prylacieli ŭ Maskvu, potym dabralisia da Biełarusi, kab trapić u Jeŭrasajuz. Ale ŭ Polščy ich zatrymali.
26 červienia polskija siłaviki ŭ Białkach spynili dla pravierki «Miersiedes». Za rulom byŭ hramadzianin Ukrainy, jon vioz piaciarych mužčyn.
Dakumienty byli tolki ŭ adnaho ź ich, hramadzianina Afhanistana. Astatnija nazvali siabie afhancami i pakistancami. Jany patłumačyli, što trapili ŭ Polšču nielehalna, piša Super Express.
Mužčyny raskazali, što niekalki miesiacaŭ tamu prylacieli ŭ Maskvu, a potym dabralisia da Biełarusi. Tam jany znajšli čałavieka, jaki zhadziŭsia dapamahčy im pierabracca praź biełaruska-polskuju miažu. Hetym čałaviekam mihranty zapłacili ad 2 da 7 tysiač dalaraŭ.
Pahraničnaja słužba vyrašyła departavać mužčyn i zabaraniła im ujezd u Šenhienskuju zonu na try hady. A voś 28-hadovaha ŭkrainca, jaki vioz ich pa Polščy, aryštavali na try miesiacy. Jamu pahražaje da vaśmi hadoŭ turmy za ŭdzieł u arhanizacyi nielehalnaj mihracyi.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary