Губернатары выступаюць з заклікамі да беларусаў не лётаць у Расію. Прэс-службы вінавацяць штучны інтэлект
У сеціве з'яўляюцца відэазвароты кіраўнікоў беларускіх абласцей, у якіх яны асцерагаюць суграмадзян ад падарожжаў самалётамі ў Расію, звяртаючы ўвагу на тое, што гэта небяспечна з-за ваенных умоў. Праўда, прэс-службы запэўніваюць, што звароты фэйкавыя і згенераваныя штучным інтэлектам.
На гэты момант вядома пра звароты ад імя старшыні Брэсцкага аблвыканкама Пятра Пархомчыка і ягоных гомельскага і магілёўскага калег Івана Крупко і Анатоля Ісачанкі.
Усе звароты маюць ідэнтычны змест, у іх чыноўнікі заяўляюць пра тое, што ў Расіі нібыта адбыўся інцыдэнт з беларускім самалётам, які «абстраляла» расійская СПА (нядаўна мы пісалі пра гэты фэйк).
«Хачу нагадаць, пры куплі авіябілета для палёту ў Расейскую Федэрацыю неабходна ўсведамляць усе рызыкі», — заяўляюць губернатары, сцвярджаючы, што «ў Расіі ідзе вайна з Украінай і сістэмы супрацьпаветранай абароны Саюзнай дзяржавы могуць у кожны момант прыняць паветранае судна за варожы беспілотнік».
Прэс-службы аблвыканкамаў сцвярджаюць, што галасы чыноўнікаў згенераваныя штучным інтэлектам, а ў якасці карцінкі, на якую накладаўся гук, узятыя відэа з іх рэальнымі выступленнямі.
Так, відэа з Пархомчыкам было запісана яшчэ ў 2023 годзе, і ў ім ён «каментаваў пасяджэнне Працоўнай групы па супрацоўніцтве Рэспублікі Беларусь і Рэспублікі Татарстан РФ».
У сваю чаргу, Іван Крупко быў запісаны ў Казахстане, дзе «ў рэальнасці тады […] расказваў журналістам пра рост паставак тэхнікі ў Казахстан і пашырэнне міжрэгіянальнага супрацоўніцтва».
Беларускі самалёт абстраляла расійская СПА, прыняўшы за ўкраінскі дрон? Не, гэта няпраўда
Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»
Фэйкавая журналістка «Новая газета Еўропа» спрабавала ўзяць інтэрв’ю ў Паўла Латушкі
ГУБАЗіК сфатаграфаваў затрыманых з падробленымі пашпартамі Новай Беларусі
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары
І што за "губернатары"? Нават лукашэнкаўскае СМІ піша "председатель облисполкома".
Дарэвалюцыйныя і даваенныя штампы пра "мэраў" і "губернатараў" гучаць ужо проста як здзек. Чаму, навошта? Толькі Ціханоўскі прыбыў у 2025-ы на машыне часу?