«$10 тысяч — самы мінімум». Нявеста ў разгубленасці ад цэн на «сціплае» вяселле і не ведае, ці вартае яно таго
Тыктокерка Лада Рагулева падзялілася радаснай навіной: ёй зрабілі прапанову рукі і сэрца. Праўда, настрой як у будучай жонкі, так і ў мужа адразу пагоршаў, калі ім расказалі, колькі будзе каштаваць сціплае вяселле пад Мінскам на 30 персон.
«Мы пачалі глядзець сядзібы, цэны і сустрэліся з арганізатарам. Дык вось: вяселле ў сядзібе пад Мінскам ужо ў чэрвені 2026-га прыблізна на 30 чалавек будзе каштаваць ад 10 да 15 тысяч даляраў. І гэта ціха, па-сямейнаму, з густам. Без нейкіх музыкаў, кавер-гуртоў і дадатковых празмернасцяў. І пры гэтым 10 тысяч даляраў — самы мінімум, у які яшчэ трэба будзе пастарацца ўпісацца. Мы разумелі, што вяселле — гэта дорага, але ў нашай галаве былі крыху іншыя лічбы», — не хавае непрыемнага здзіўлення нявеста.
Дзяўчына папрасіла парады: ці варта аддаваць такую суму за адзін дзень у жыцці ці лепш проста распісацца, схадзіць на вячэру з блізкімі і паляцець адпачываць?
Меркаванні падзяліліся. Адны лічаць, што за такія грошы лепш паляцець на Мальдывы.
«10 штук — гэта крутая кругасветка на лайнеры!» — пераконвае адзін з каментатараў.
Нехта не бачыць праблемы ў суме:
«Нармальны кошт для такой важнай падзеі. Мы за сваё вяселле аддалі 12 тысяч даляраў і ні пра што не шкадуем».
Разам з гэтым людзі заўважылі, што свята будуць згадваць усё жыццё, а ў адпачынак можна лётаць штогод.
«І мы, і сябры, і сваякі і праз чатыры гады згадваем наша вяселле як адну з самых яркіх падзей. У падарожжы лётаем практычна кожны год — гэта не так запамінаецца ўжо. Ну і пасля вяселля на падораныя грошы мы падарожжа ў Турцыю сабе арганізавалі. Так што і абіраць не давялося — вяселле ці падарожжа», — падзялілася досведам адна з каментатарак.
Таксама ўжо жанатыя беларусы параілі Ладзе ці зусім адмовіцца ад арганізатараў і рабіць усё самім, ці пашукаць больш даступныя сядзібы для эканоміі:
«У мінулым годзе было вяселле на 57 чалавек, сядзіба за некалькі кіламетраў ад Мінска плюс 30 чалавек паклалі там спаць. Усё-ўсё нам абышлося ў $6000».
«50 чалавек, арэнда залы і горы ежы з алкаголем — аддалі каля трох тысяч даляраў. Сядзіба «Дукорскі маёнтак». Найлепшае месца ва ўсіх сэнсах».
«Згулялі шыкоўнае вяселле — каля 6 тысяч даляраў у Мінску на 30 чалавек».
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме11
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Ну там, закололи кабанчика, купили пару ящиков водяры, поставили армейский шатёр и гуляй душа!