На плошчы Якуба Коласа ў Мінску прыбралі знакамітую тратуарную плітку з васількамі
Незвычайную плітку выклалі амаль 25 гадоў назад. Але цяпер вырашылі цалкам замяніць, пiша Blizko.by.
На плошчы Якуба Коласа ў Мінску ідзе замена тратуарнай пліткі. У выніку зніклі апошнія васількі — выкладзеныя блакітнай пліткай кветкі.
Незвычайная плітка з'явілася на плошчы ў 2001 годзе. Тады планавалася запусціць даўно непрацуючыя фантаны, а разам з тым замяніць пакрыццё самай плошчы. Рабочыя выклалі блакітнай пліткай гіганцкія кветкі.
Чвэрць стагоддзя таму гэта выглядала свежа і незвычайна, многія мінчане і госці сталіцы прыязджалі на плошчу спецыяльна, каб паглядзець на гэтыя бетонна-плітачныя васількі. Да лета 2024-га ад былой прыгажосці мала што засталося. Прама перад помнікам пісьменніку і героям яго твораў плітку замянілі на новую — розных адценняў шэрага колеру.
Некалькі кветак уцалела бліжэй да ўсходняга краю плошчы, насупраць басейна «Алімп». Праўда, за два з лішкам дзесяцігоддзі плітка страціла колер і з блакітнай стала нейкай шэрай. Гэта характэрная ўласцівасць тратуарнай пліткі: каляровая губляе колер, шэрая проста цямнее і чарнее.
Цяпер на плошчы ідзе чарговая замена пліткі. Рабочыя прыбралі самыя апошнія васількі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары