Na płoščy Jakuba Kołasa ŭ Minsku prybrali znakamituju tratuarnuju plitku z vasilkami
Niezvyčajnuju plitku vykłali amal 25 hadoŭ nazad. Ale ciapier vyrašyli całkam zamianić, piša Blizko.by.
Na płoščy Jakuba Kołasa ŭ Minsku idzie zamiena tratuarnaj plitki. U vyniku źnikli apošnija vasilki — vykładzienyja błakitnaj plitkaj kvietki.
Niezvyčajnaja plitka źjaviłasia na płoščy ŭ 2001 hodzie. Tady płanavałasia zapuścić daŭno niepracujučyja fantany, a razam z tym zamianić pakryćcio samaj płoščy. Rabočyja vykłali błakitnaj plitkaj hihanckija kvietki.
Čverć stahodździa tamu heta vyhladała śvieža i niezvyčajna, mnohija minčanie i hości stalicy pryjazdžali na płošču śpiecyjalna, kab pahladzieć na hetyja bietonna-plitačnyja vasilki. Da leta 2024-ha ad byłoj pryhažości mała što zastałosia. Prama pierad pomnikam piśmieńniku i hierojam jaho tvoraŭ plitku zamianili na novuju — roznych adcieńniaŭ šeraha koleru.
Niekalki kvietak ucaleła bližej da ŭschodniaha kraju płoščy, nasuprać basiejna «Alimp». Praŭda, za dva ź liškam dziesiacihodździ plitka straciła koler i z błakitnaj stała niejkaj šeraj. Heta charakternaja ŭłaścivaść tratuarnaj plitki: kalarovaja hublaje koler, šeraja prosta ciamnieje i čarnieje.
Ciapier na płoščy idzie čarhovaja zamiena plitki. Rabočyja prybrali samyja apošnija vasilki.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary