Прэзідэнт ЗША Дональд Трамп выказаў упэўненасць, што сустрэча паміж прэзідэнтамі Расіі і Украіны — Уладзімірам Пуціным і Уладзімірам Зяленскім — абавязкова адбудзецца. Хоць, паводле яго слоў, яна павінна была прайсці яшчэ тры месяцы таму.
Дональд Трамп паведаміў пра гэта журналістам перад сваім адлётам у Шатландыю і адзначыў, што такая сустрэча — неабходная ўмова для мірных перамоў.
Трамп не выключае магчымасці ўвядзення другасных санкцый супраць Расіі, калі на працягу 50 дзён не будзе бачна прагрэс у перамовах. Ён ужо выставіў адпаведны ультыматум 14 ліпеня: у выпадку адсутнасці вынікаў ЗША ўвядуць 100-працэнтныя мытныя пошліны.
У Крамлі, у сваю чаргу, падкрэсліваюць, што сустрэча можа адбыцца толькі ў тым выпадку, калі бакі будуць гатовыя паставіць кропку ў канфлікце. Расійскі бок лічыць, што няма сэнсу зноў абмяркоўваць усё з нуля. Прадстаўнік Крамля Дзмітрый Пяскоў таксама заявіў, што працэс узгаднення пазіцый вельмі складаны і за кароткі тэрмін вырашыць пытанні немагчыма.
У той жа час украінскі бок настойвае на сустрэчы прэзідэнтаў. Паводле Рустэма Умерава, кіраўніка ўкраінскай дэлегацыі на перамовах у Стамбуле, Кіеў прапаноўваў Маскве правесці сустрэчу да канца жніўня ў прысутнасці лідараў Турцыі і ЗША — Рэджэпа Таіпа Эрдагана і Дональда Трампа.
Цяпер чытаюць
Бетанаваць грошы — нацыянальная ідэя беларусаў? Параўналі тэмпы будаўніцтва ў Беларусі, Польшчы, Літве і Латвіі11
Каментары