Пасля хуткага завяршэння перамоў у Стамбуле як украінскі, так і расійскі бакі расказалі, пра што на іх вялася гаворка і ці былі дасягнутыя якія дамоўленасці.
Кіраўнік украінскай дэлегацыі Рустэм Умераў паведаміў, што Кіеў прапанаваў да канца жніўня арганізаваць сустрэчу прэзідэнтаў Украіны і Расіі пры ўдзеле прэзідэнта Турцыі Рэджэпа Эрдагана і прэзідэнта ЗША Дональда Трампа. У сваю чаргу, галоўны прадстаўнік Расіі Уладзімір Мядзінскі адзначыў, што перад сустрэчай лідараў трэба абмеркаваць магчымыя пагадненні па ўрэгуляванні канфлікту і тэмы, якія будуць узнятыя.
Умераў заявіў, што пакуль прагрэс па пытанні спынення агню адсутнічае, але праца працягваецца. Паводле яго слоў, галоўны прыярытэт для Украіны — гэта людзі, спыненне баявых дзеянняў і сустрэча лідараў.
Абодва бакі пацвердзілі, што рыхтуецца гуманітарны абмен палоннымі ў фармаце 1200 на 1200. Мядзінскі паведаміў, што адразу пасля перамоў у Стамбуле ўжо адбыўся чарговы абмен: 250 украінскіх вайскоўцаў памянялі на 250 расійскіх на мяжы з Беларуссю.
Таксама ён заявіў, што Расія завяршыла працу над спісам украінскіх дзяцей, перададзеным на папярэднім раўндзе перамоў. Аднак, па яго словах, шмат хто з дзяцей ніколі не знаходзіўся на тэрыторыі Расіі, а частка з іх — ужо паўналетнія. Ён таксама паведаміў, што каля 30 жыхароў Курскай вобласці, якіх УСУ вывезлі ва Украіну, пакуль не вярнуліся ў Расію.
Акрамя гэтага, прадстаўнік Пуціна паведаміў, што Масква прапанавала стварыць тры анлайн-групы для далейшых перамоў — па палітычных, гуманітарных і вайсковых пытаннях. Яшчэ адна прапанова — уводзіць часовыя перамір’і на 24 або 48 гадзін для эвакуацыі параненых і вывазу загінулых.
Рустэм Умераў падкрэсліў, што дакументы, якія абмяркоўваліся на перамовах, некарэктна называць мемарандумамі:
«Гэта праекты. Важна адзначыць, што ўкраінскія дакументы больш рэалістычныя, чым расійскія».
Цяпер чытаюць
Чаму ўлады маўчаць пра прычыны разбурэння дома ў Гомелі і якія ёсць версіі2
Каментары
Все, чтобы затянуть войну.
Неужели Путин считает, что он за 50 дней сильно навоюет? Больше, чем за предыдущие 1200? Он уже даже Трампа выбесил