Блогер-канспіролаг Вірус спыняе сваю дзейнасць, бо ніхто яму не данаціў
Віталь Кандраценка больш не абнаўляе свой канал і выдаліў усе старыя каментары пад допісамі.
«Падобна, ідэя незалежнага канала не знайшла патрэбнага водгуку ў беларусаў, таму я засяроджуся на асабістых справах. Дзякуй усім, хто быў побач», — напісаў у сваім тэлеграм-канале блогер-канспіролаг Віталь «Вірус» Кандраценка.
Допіс быў апублікаваны 25 ліпеня, і за наступны дзень у канале не з’явілася ніводнага абнаўлення, хоць звычайна Вірус нон-стоп рэпосціць чыесьці негатыўныя меркаванні пра дэмакратычны рух альбо з дапамогай чата GPT сам генеруе падобныя выкрывальніцкія тэзісы. За апошні месяц у яго 350 публікацый.
Разам з тым зніклі і ўсе каментары пад старымі допісамі блогера-канспіролага.
Кандраценка пастаянна наракаў на адсутнасць грошай, нагадваў чытачам, што выдаткі на ўтрыманне праекта складаюць ад 300 еўра на месяц, і прасіў падтрымаць яго.
Віталь Кандраценка меў у Беларусі тры непалітычныя судзімасці, дзве з якіх за крадзяжы. У 2020-м далучыўся да пратэснага руху, стаў зборшчыкам подпісаў за Святлану Ціханоўскую. У чэрвені 2020 выехаў з Беларусі, асеў ва Украіне. Працаваў у аўтасэрвісе, а ўвесь свабодны час прысвячаў барацьбе з Ціханоўскай, якую спрабаваў выстаўляць агенткай рускага свету. У яго тэлеграм-канала каля 1400 падпісантаў.
Чытайце: Хто такі блогер-канспіролаг Вірус, які штодня абражае і пляжыць беларускі дэмакратычны рух?
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары
Сейчас проще делать контентные проекты под зарубежный рынок, например, ориентированный на страны из группы Tier 1 (страны с высокой покупательской способностью: Америка, Канада, ЕС, Австралия, Новая Зеландия и др.), аудитория гораздо больше - в десятки, а то и сотни, возможности для заработка тоже кратно выше, но и конкуренция больше. Благо, сейчас тегнологии AI, если знать как ими правильно пользоваться, существенно, облегчают и удешевляют работу с зарубежной аудиторией и стирают границы того, что ранее останавливало для этого.
А, беларуские новостные проекты (на ру/бел языках) - это в большинстве, сейчас, датируемые грантодателями проекты, которые не выходят на самоокупаемость и постоянно просят поддержки. С коммерческой точки зрения нет смысла в них вкладываться, если делать это, например, за свой счёт.