У сталіцы Анголы Луандзе падчас пратэстаў, што прайшлі 28—29 ліпеня, загінулі прынамсі 22 чалавекі, у тым ліку адзін паліцэйскі. Яшчэ 197 чалавек атрымалі раненні. Лічбы назвалі ў канцылярыі прэзідэнта краіны, паведамляе Associated Press.
Улады Анголы затрымалі 1 214 чалавек па падазрэнні ў марадзёрстве. Пра гэта паведаміў міністр унутраных спраў краіны Мануэл Омінь падчас пасяджэння ўрада пад старшынствам прэзідэнта Жуау Лаўрэнсу.
Падчас антыўрадавых пратэстаў людзі патрабавалі зніжэння цэнаў на паліва, якія выраслі пасля таго, як урад скасаваў субсідыі на бензін і дызель. У выніку хваляванняў былі разрабаваныя каля 50 крам і банкаўскіх аддзяленняў, таксама была пашкоджаная гарадская інфраструктура.
Па стане на 30 ліпеня сітуацыя ў Луанде стабілізавалася — на вуліцах значна паболела паліцыі. Людзі пачалі масава закупляць прадукты, баючыся новых пратэстаў.
У пачатку ліпеня ангольскі ўрад адмяніў дзяржаўныя субсідыі, што прывяло да 30-працэнтнага скачка цэнаў на дызельнае паліва і бензін. Хоць Ангола — адзін з найбуйнейшых вытворцаў нафты ў Афрыцы, краіне не хапае перапрацоўчых заводаў для задавальнення ўнутранага попыту, таму шмат паліва імпартуецца.
Цяпер чытаюць
Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд17
Каментары
Дачка По версии Forbes — первая в Африке женщина-миллиардер[4], её личное состояние в 2016 году оценивалось журналом в 3 миллиарда долларов США[5].
Биография
править
Родилась в Баку в семье ангольского революционера, активиста МПЛА Жозе Эдуарду душ Сантуша и советской (в настоящее время британской) гражданки Татьяны Кукановой[6][a].