За некалькі гадзін да таго, як у Амерыцы надышло 1 жніўня — апошні прызначаны Дональдам Трампам крайні тэрмін для заключэння новых дамоўленасцяў аб гандлі з ЗША — амерыканскі прэзідэнт падпісаў указы аб увядзенні імпартных пошлін у памеры ад 10% да 41% у дачыненні да 69 краін і тэрыторый і Еўрасаюза, паведамляе Бі-бі-сі.
Пошліны, якія названыя ў указе «удакладненымі адказнымі», уступяць у сілу праз сем дзён, і толькі ў дачыненні да Канады яны ўступаюць у сілу адразу.
Пры гэтым у дачыненні да Канады Трамп павысіў пошліны з 25% да 35%. Праўда, гэтыя пошліны не распаўсюджваюцца на тавары, якія ахоплівае гандлёвае пагадненне ЗША, Мексікі і Канады USMCA — гэта перадусім прадукцыя, цалкам зробленая з паўночнаамерыканскай сыравіны альбо прадукцыя глыбокай перапрацоўкі з імпартнай сыравіны.
Самыя высокія пошліны атрымала Сірыя — 41%, а таксама Лаос і Бірма — па 40%. Самыя нізкія — 10% — атрымалі Вялікабрытанія і асобна яе Фалклендскія астравы.
У графе «Бразілія» ў апублікаваным Белым домам спісе таксама фігуруе 10%, хоць днём раней Трамп падпісаў указ аб 50-працэнтнай пошліне на імпарт з гэтай краіны. Імпарт жа з большасці краін у спісе, як і з Еўрасаюза, будзе абкладацца — калі Трамп зноў не перадумае — пошлінамі ў памеры 15%.
Індыя, як Трамп і абяцаў напярэдадні, атрымала 25-працэнтныя пошліны.
У Еўропе самыя высокія пошліны атрымалі Швейцарыя — 39% і Сербія — 35%.
З усіх краін, чый імпарт Трамп вырашыў абкласці найбольш высокімі тарыфамі, толькі Швейцарыя з'яўляецца прыкметным для ЗША гандлёвым партнёрам: у мінулым годзе яна экспартавала ў Злучаныя Штаты тавараў на 63,4 млрд долараў.
Кітая ў спісе няма: з ім, сваім галоўным гандлёвым партнёрам, ЗША вядуць асобныя перамовы.
Асобны пункт у указе Трампа прысвечаны спробам пазбегнуць высокіх пошлін, экспартуючы тавар у ЗША праз трэція краіны. Такі тавар, калі яго сапраўднае паходжанне выявіць амерыканская мытня, будзе абкладацца 40-працэнтнай пошлінай.
Служба мытні і памежнага кантролю ЗША ўжо карала за такую практыку кампаніі, што імпартуюць тавары з Кітая. Дональд Трамп абвясціў аб новых вялікіх пошлінах на імпарт з большасці краін — гандлёвых партнёраў ЗША ў пачатку красавіка, але затым адкладаў увядзенне гэтых высокіх ставак, у апошні раз — да 1 жніўня.
За гэтыя месяцы аб зніжэнні ставак на імпарт большасці сваіх тавараў з Трампам і яго адміністрацыяй дамовіліся некалькі краін і Еўрасаюз:
- Вялікабрытанія — з 25% да 10%
- Японія — з 25% да 15%
- Філіпіны — з 20% да 19%
- В’етнам — з 46% да 20%
- Інданезія — з 32% да 19%
Еўрасаюз у асобе кіраўніка Еўракамісіі Урсулы фон дэр Ляен толькі на днях дамовіўся з Трампам аб 15-працэнтнай пошліне (замест заяўленай Трампам 30-працэнтнай) у адказ на нулявыя пошліны ў дачыненні да амерыканскіх тавараў у Еўропе.
Праўда, гэта ўсё — рамкавыя дамоўленасці, паўнавартасных гандлёвых пагадненняў яшчэ няма.
Галоўны гандлёвы партнёр ЗША, Кітай, вытрымаў «аўкцыён тарыфаў» у першыя тыдні, калі Трамп узнёс пошліны на кітайскі імпарт да завоблачных 145%, і дачакаўся, што амерыканскі прэзідэнт сам у маі знізіў іх да 30%.
Зараз ідуць перамовы Вашынгтона і Пекіна аб тым, што будзе далей: на гэтым тыдні ў Стакгольме без відавочных для публікі вынікаў прайшоў трэці раунд.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары
террористические прокси захватывают Европу. кто-то их должен поставить на место.