ПАОК блізкі да падпісання абаронцы мінскага «Дынама» Паўла Апяцёнка. Сума трансферу складзе 350 тысяч еўра.
Таксама ў пагадненні будзе прадугледжана 10 працэнтаў з перапродажу гульца. Кантракт з футбалістам будзе разлічаны на чатыры гады, паведамляе «Беларускі футбол» са спасылкай на інсайдара Івана Карпава.
ПАОК пераканаў атачэнне Апяцёнка ў тым, што менавіта гэты клуб — аптымальны варыянт развіцця кар'еры. У апошнія гады ПАОК перапрадаў некалькі футбалістаў у Еўропу.
У гэтым сезоне 18-гадовы беларус правёў 15 матчаў ва ўсіх турнірах за «Дынама-Мінск», забіў адзін гол і аддаў адну галявую перадачу.
Зазначалася, што Павел мог аказацца ў італьянскім «Тарына», але трансфер сарваўся.
ПАОК — адзін з вядомых клубаў Грэцыі, базуецца ў Салоніках, быў утвораны ў 1926 года грэцкімі бежанцамі з Канстанцінопаля, таму так і называецца — Panthessalonikios Athlitikos Omilos Konstantinoupoliton (Пансалонікскі атлетычны клуб канстанцінапольцаў).
Чатырохразовы чэмпіён Грэцыі, апошняе чэмпіёнства ў 2024 годзе, у мінулым сезоне фінішаваў трэцім. Валодае клубам расійскі прадпрымальнік Іван Савідзі.
У вышэйшых дывізіёнах у Еўропе беларусы гуляюць у Балгарыі (два чалавекі), Босніі і Герцагавіне (1), Грэцыі (1), на Кіпры (1), Польшчы (2), Сербіі (1).
Што да краін былога СССР, то найбольшая дыяспара ў вышэйшым дывізіёне Казахстана (15), у Расіі (8), Кыргызстане (8). Малдова (3), Літва (2), Грузія (1), Арменія (1).
Таксама паведамлялася, што Ягор Пархоменка можа апынуцца ў балгарскім «ЦСКА 1948», а Віталь Лісаковіч у славенскім «Цэле».
Уладзіслаў Марозаў, што належаў партугальскай «Ароцы» з вышэйшага дывізіёна, аддадзены ў арэнду ў дацкі «Колдынг» з другога дывізіёна.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі
Каментары