Ціханоўская: Для беларусаў мяжа з Польшчай — мяжа са свабодным светам
У сувязі з прыняццем польскім урадам рашэння аб закрыцці мяжы з Беларуссю ў сувязі з вучэннямі «Захад-2025» дэмакратычная лідарка Святлана Ціханоўская выдала адмысловую заяву.
Святлана Ціханоўская, назвала закрыццё мяжы «прадказальным крокам у адказ на агрэсіўныя дзеянні Пуціна і Лукашэнкі», адзначыўшы, што абодва дыктатары працягваюць правакацыі супраць нашых суседзяў.
«У той час, калі рэжым дзейнічае як саўдзельнік у вайне Расіі супраць Украіны, суседзі маюць права ўмацоўваць сваю бяспеку», — падкрэсліла Ціханоўская.
У той жа час яна адзначыла, што беларускі народ як такі не з’яўляецца пагрозай для сваіх суседзяў.
«Для нас вельмі важна, каб захоўвалася пасажырскае злучэнне, бо для беларусаў гэтая мяжа — мяжа са свабодным светам», — заявіла Святлана Ціханоўская.
Паводле яе слоў,
«мы кантактуем з Міністэрствам замежных спраў Польшчы і ў найбліжэйшы час даведаемся, як будуць дзейнічаць гэтыя абмежаванні».
Цяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя13
Каментары