Міжнародная федэрацыя футбола (ФІФА) абвясціла пра зліццё дзвюх паўзаў на паядынкі зборных, што праводзяцца ў верасні і кастрычніку. Правіла ўступіць у сілу з восені 2026 года і разлічана на пяць гадоў.
Цяпер першая міжнародная восеньская паўза будзе праходзіць з 21 верасня па 6 кастрычніка (16 дзён). За гэты перыяд зборныя правядуць да чатырох матчаў, але пры гэтым у ФІФА разлічваюць, што такое рашэнне дазволіць знізіць колькасць траўмаў у футбалістаў. Акрамя таго, гульцам давядзецца радзей з’язджаць у размяшчэнне зборных.
Апошні ж міжнародны восеньскі перапынак застанецца без зменаў. У наступным годзе ён пройдзе з 9 па 17 лістапада і разлічаны на дзве гульні.
Зараз міжнародная паўза складае 10-11 дзён. Так у верасні гэтага года яна была з 1 па 11 верасня, калі праводзіліся адборачныя матчы да чэмпіянату свету ў Еўропе, абедзвюх Амерык, Афрыкі і Азіі. Зборная Беларусі, напрыклад, згуляла ў адборы з Грэцыяй і Шатландыяй.
У гэты час была паўза ў футбольных чэмпіянатах усіх краін у вышэйшых дывізіёнах, у тым ліку Беларусі, а часам і ў другіх дывізіёнах. Часам футбольныя клубы неахвотна адпускаюць сваіх футбалістаў у зборныя, бо тыя атрымліваюць траўмы.
-
З-за закрыцця мяжы з Польшчай зборная Беларусі па футзале не паехала на спарынгі ў Сербію
-
На чэмпіянаце свету па лёгкай атлетыцы Крысціна Ціманоўская пабяжыць толькі ў адной дысцыпліне
-
Украінскія пляжныя футбалісты адмовіліся гуляць з Беларуссю. Таму Беларусь становіцца бронзавым прызёрам Суперфіналу Еўралігі
Цяпер чытаюць
Архітэктар назваў тое, што зрабілі ў Нясвіжы, «карным добраўпарадкаваннем»1
Каментары