Mižnarodnaja fiederacyja futboła (FIFA) abviaściła pra źlićcio dźviuch paŭzaŭ na pajadynki zbornych, što pravodziacca ŭ vieraśni i kastryčniku. Praviła ŭstupić u siłu z vosieni 2026 hoda i raźličana na piać hadoŭ.
Ciapier pieršaja mižnarodnaja vosieńskaja paŭza budzie prachodzić z 21 vieraśnia pa 6 kastryčnika (16 dzion). Za hety pieryjad zbornyja praviaduć da čatyroch matčaŭ, ale pry hetym u FIFA raźličvajuć, što takoje rašeńnie dazvolić źnizić kolkaść traŭmaŭ u futbalistaŭ. Akramia taho, hulcam daviadziecca radziej źjazdžać u raźmiaščeńnie zbornych.
Apošni ž mižnarodny vosieński pierapynak zastaniecca bieź źmienaŭ. U nastupnym hodzie jon projdzie z 9 pa 17 listapada i raźličany na dźvie hulni.
Zaraz mižnarodnaja paŭza składaje 10-11 dzion. Tak u vieraśni hetaha hoda jana była z 1 pa 11 vieraśnia, kali pravodzilisia adboračnyja matčy da čempijanatu śvietu ŭ Jeŭropie, abiedźviuch Amieryk, Afryki i Azii. Zbornaja Biełarusi, naprykład, zhulała ŭ adbory z Hrecyjaj i Šatłandyjaj.
U hety čas była paŭza ŭ futbolnych čempijanatach usich krain u vyšejšych dyvizijonach, u tym liku Biełarusi, a časam i ŭ druhich dyvizijonach. Časam futbolnyja kłuby nieachvotna adpuskajuć svaich futbalistaŭ u zbornyja, bo tyja atrymlivajuć traŭmy.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary