Пасля з’яўлення ў аўторак у СМІ паведамленняў пра тое, што ў канцы ліпеня ў Літву заляцеў дрон, запушчаны з Беларусі, прэзідэнт Гітанас Науседа заявіў, што гэта ілжлівая інфармацыя.
Па словах кіраўніка дзяржавы, ёсць надзейныя даныя, што расійскі беспілотнік, накіраваны ва Украіну, апынуўся ў Літве пад уплывам антыдронных сродкаў, паведамляе LRT.
«Апошнім часам я бачу ў публічнай прасторы шмат ілжывай інфармацыі, распаўсюджвання чутак. Самы свежы прыклад — учарашняе паведамленне, апублікаванае нібыта на аснове надзейных крыніц. Адзін з інфармацыйных каналаў заявіў, што дрон, заляцеўшы ў Літву, быў спецыяльна запушчаны з Беларусі», — сказаў прэзідэнт журналістам у сераду.
«Калі казаць пра дрон, які ў жніўні выклікаў тут немалы ажыятаж, бо быў абсталяваны выбуховай часткай, у мяне ёсць надзейная і тэхнічна пацверджаная інфармацыя, што гэта быў расійскі дрон, запушчаны ва Украіну і з‑за дзеяння антыдронных сродкаў збіўся з курсу», — дадаў Наўседа.
Як раней паведамлялася, у аўторак партал Delfi, спасылаючыся на свае крыніцы, заявіў, што ў канцы ліпеня ў Літву заляцеў дрон з выбухоўкай, запушчаны з Беларусі.
Аднак пазней Нацыянальны цэнтр кіравання крызісамі паведаміў, што паводле наяўных даных летам беспілотнікі, якія перасеклі паветраную прастору Літвы, былі запушчаныя Расіяй у напрамку Украіны, а ў Літве апынуліся выпадкова.
ELTA нагадвае, што напрыканцы ліпеня паліцыя інфармавала аб незразумелым беспілотніку, які заляцеў у Літву з Беларусі. Мінулы дрон з выбухоўкай быў знойдзены на палігоне ў Ёнаўскім раёне.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары
Залетевший не туда,
Неча больше трогать", -
Так сказал нам Науседаа-а-а-а-а