Paśla źjaŭleńnia ŭ aŭtorak u ŚMI paviedamleńniaŭ pra toje, što ŭ kancy lipienia ŭ Litvu zalacieŭ dron, zapuščany ź Biełarusi, prezident Hitanas Nausieda zajaviŭ, što heta iłžlivaja infarmacyja.
Pa słovach kiraŭnika dziaržavy, jość nadziejnyja danyja, što rasijski bieśpiłotnik, nakiravany va Ukrainu, apynuŭsia ŭ Litvie pad upłyvam antydronnych srodkaŭ, paviedamlaje LRT.
«Apošnim časam ja baču ŭ publičnaj prastory šmat iłžyvaj infarmacyi, raspaŭsiudžvańnia čutak. Samy śviežy prykład — učarašniaje paviedamleńnie, apublikavanaje nibyta na asnovie nadziejnych krynic. Adzin ź infarmacyjnych kanałaŭ zajaviŭ, što dron, zalacieŭšy ŭ Litvu, byŭ śpiecyjalna zapuščany ź Biełarusi», — skazaŭ prezident žurnalistam u sieradu.
«Kali kazać pra dron, jaki ŭ žniŭni vyklikaŭ tut niemały ažyjataž, bo byŭ abstalavany vybuchovaj častkaj, u mianie jość nadziejnaja i technična paćvierdžanaja infarmacyja, što heta byŭ rasijski dron, zapuščany va Ukrainu i z‑za dziejańnia antydronnych srodkaŭ źbiŭsia z kursu», — dadaŭ Naŭsieda.
Jak raniej paviedamlałasia, u aŭtorak partał Delfi, spasyłajučysia na svaje krynicy, zajaviŭ, što ŭ kancy lipienia ŭ Litvu zalacieŭ dron z vybuchoŭkaj, zapuščany ź Biełarusi.
Adnak paźniej Nacyjanalny centr kiravańnia kryzisami paviedamiŭ, što pavodle najaŭnych danych letam bieśpiłotniki, jakija pierasiekli pavietranuju prastoru Litvy, byli zapuščanyja Rasijaj u napramku Ukrainy, a ŭ Litvie apynulisia vypadkova.
ELTA nahadvaje, što naprykancy lipienia palicyja infarmavała ab niezrazumiełym bieśpiłotniku, jaki zalacieŭ u Litvu ź Biełarusi. Minuły dron z vybuchoŭkaj byŭ znojdzieny na palihonie ŭ Jonaŭskim rajonie.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary
Zaletievšij nie tuda,
Nieča bolšie trohať", -
Tak skazał nam Nausiedaa-a-a-a-a