Індыя папрасіла ў Трампа дазволу купляць нафту ў Ірана і Венесуэлы, каб не купляць расійскай
Індыя звярнулася да ЗША з просьбай дазволіць ёй аднавіць закупкі нафты ў Ірана і Венесуэлы, каб скараціць залежнасць ад расійскіх паставак. Як паведамляе Bloomberg, індыйскія чыноўнікі падчас візіту ў Вашынгтон падкрэслілі: рэзкае зніжэнне імпарту нафты з Расіі магчымае толькі ў тым выпадку, калі будуць знятыя амерыканскія абмежаванні на гандаль з іншымі буйнымі вытворцамі, якія цяпер знаходзяцца пад санкцыямі.
Па словах прадстаўнікоў Нью-Дэлі, адначасовае спыненне закупак нафты ў Расіі, Ірана і Венесуэлы прывядзе да скачка сусветных цэн.
Гэтая пазіцыя прагучала пасля таго, як ЗША ўвялі вялікія тарыфы супраць Індыі за яе гандаль з Расіяй. Нягледзячы на ціск, краіна працягвае купляць расійскую нафту, хоць і ў меншых аб’ёмах. Міністр гандлю Індыі Піюш Гоял заявіў у Нью-Ёрку, што Індыя плануе павялічыць закупкі амерыканскай нафты і газу, бо яе энергетычная бяспека «ў значнай ступені будзе звязаная з ЗША».
Расія, у сваю чаргу, прапануе Індыі нафту са зніжкамі, бо многія краіны адмовіліся ад гандлю з Масквой праз вайну ва Украіне. Для Індыі, якая імпартуе каля 90% патрэбнай ёй нафты, гэта дае магчымасць істотна зніжаць выдаткі.
Закупкі ў Ірана Індыя спыніла яшчэ ў 2019 годзе, а ад венесуэльскай нафты давялося адмовіцца сёлета — пасля ўзмацнення амерыканскіх санкцый. Пераход на сыравіну з Блізкага Усходу магчымы, але абыдзецца даражэй. Паводле даных Мінгандлю Індыі, у ліпені сярэдняя цана барэля расійскай нафты складала $68,9, у той час як саудаўская каштавала $77,5, а амерыканская — $74,2.
ААНаўская прамова Трампа: пра эскалатар, які спыніўся проста на хаду, супраць міграцыі і зялёнай энергетыкі
Кожны шосты нафтавы танкер у свеце належыць да расійскага «ценявога флоту»
Трамп выстаўляе Еўрасаюзу ўмовы, якія той не можа выканаць
У ЗША заявілі, што могуць абрынуць эканоміку Расіі. Але трэба дапамога Еўропы
Трамп: Здаецца, мы страцілі Індыю і Расію
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары
Яны відавочна грэбуюць санкцыямі цывілізаваных краін, бо тыя настойліва прапаноўвалі не набываць даражэй за 60.
Але ініыятыва дамаўляцца пра чарговасць ціску на людажэрныя рэжымы выглядае слушна