У Гомельскай вобласці рэпрэсуюць за ўдзел у апытанні пяцігадовай даўніны
Як мінімум у адным з буйных райцэнтраў Гомельшчыны сілавікі праводзяць затрыманні работнікаў прадпрыемстваў і арганізацый і правяраюць іх акаўнты ў тэлеграме на прадмет удзелу ў анлайн-апытанні, якое было апублікавана 15 жніўня 2020 года. Пра гэта «Флагштоку» паведаміў мясцовы жыхар.
Тое апытанне тычылася прэзідэнцкіх выбараў: карыстальнікам з Беларусі прапаноўвалі адзначыць кандыдатаў, за якіх яны прагаласавалі на ўчастках.
У апытанні узялі ўдзел больш за 2,4 мільёна чалавек, найбольшая колькасць адказаў, 51% — Святлана Ціханоўская. Аляксандру Лукашэнку свае галасы аддалі ўсяго 4% удзельнікаў апытання.
Пост з анлайн-апытаннем набраў больш за 10 мільёнаў праглядаў і быў апублікаваны на канале «Telegram Беларусь». Мяркуецца, што гэта афіцыйны канал месенджара. Прапанова ўзяць удзел у апытанні прыходзіла тады ўсім карыстальнікам Telegram з беларускімі сім-картамі. Рэпост з апытаннем рабілі многія папулярныя паблікі.
Канал быў створаны 15 жніўня 2020 года. Акрамя апытання, на ім з'явіліся яшчэ літаральна некалькі пастоў, а з лістапада 2020 года паблік не абнаўляўся.
Але аказалася, што і цяпер улады занепакоеныя гэтым апытаннем.
Паводле сведчанняў відавочцаў, пры затрыманні сілавікі правяраюць, ці браў удзел грамадзянін у апытанні: у тэлеграме знаходзяць канал і глядзяць, ці стаіць птушачка ў галасаванні. Калі карыстальнік аддаў голас не за Лукашэнку, нават супраць усіх, могуць пачацца рэпрэсіі.
Маштаб такіх праверак невядомы, але крыніца кажа пра шматлікія падобныя выпадкі. Праверкі ладзяць не суцэльна, але прыцягваюць да іх канкрэтных людзей.
Адмяніць удзел у галасаванні нельга. Таму адзіны магчымы варыянт пазбегнуць рэпрэсій, калі карыстальнік браў удзел у апытанні і знаходзіцца ў патэнцыйнай небяспецы, — выдаліць акаўнт і стварыць новы, каб змяніўся ідэнтыфікатар уліковага запісу.
Цяпер чытаюць
«Лічу, што гэта мая місія». Беларускамоўны Павел з ДЦП выклікаў хвалю захаплення, зайздрасці і любові4
Каментары
Хотят заменить беларусов своими людьми из Ирана, Сирии, Нигерии, Пакистана, Индии, Китая, России.....