Прапагандыст Рыгор Азаронак заклікаў да поўнай адмовы ад дэмакратычных выбараў, назваў Еўропу «смярдзючай», параіў «закрыць яе, як чумны барак», і патлумачыў, чаму месца Беларусі — на Усходзе.
Азаронак сцвярджае, што будучыня Беларусі — на Усходзе, побач з аўтарытарнымі рэжымамі і манархіямі, дзе «адзін чалавек усё вызначае».
Прапагандыст мяркуе, што на Усходзе Беларусь «шчыра чакаюць і любяць».
Але беларусам да новай арыентацыі трэба прызвычаіцца, таму, кажа Азаронак, трэба «адрэзаць ліпкія шчупальцы ментальнага рабства, што звязваюць нас са смярдзючай Еўропай».
«Плюнуць у яе, закрыць, як чумны барак, каб не заразіцца», — кажа ён пра Еўропу.
Беларусам, сцвярджае прапагандыст, варта ісці на Усход. Там, паводле Азаронка, Лукашэнка — «адзін з першых сярод роўных» — там, дзе Сі Цзіньпін, Пуцін, Эрдаган, Модзі.
«Імператары, цары і султаны вялікіх імперый, звышдзяржаў, правадыры мільярдаў людзей. І побач з імі наш Бацька», — апісвае Азаронак.
«А ведаеце, што важна? Вось манархіі Персідскага заліва. Яны маюць шмат-шмат нафты і шмат-шмат газу. І не праядаюць іх, не прапальваюць, не прагульваюць у Куршавелях, не на элітных прастытутак маржу спускаюць, а ўкладваюць у развіццё, у новыя тэхналогіі, у штучны інтэлект, у распрацоўкі», — на хаду пнуў Пуціна Азаронак.
На Усходзе дабіваюцца цудоўных поспехаў, кажа Азаронак. Паводле яго слоў, раней нам унушалі, што мадэрнізацыя — гэта абавязкова вестэрнізацыя.
«Што калі хочам айфоны і інвестыцыі, то яны абавязкова ідуць у камплекце з гей-парадамі і бясконцымі выбарамі», — падвёў да нечаканага прапагандыст.
«Але што нам паказваюць сусветныя прыклады? Манархіі Персідскага заліва цалкам сабе развіваюцца без пераапранання ў заходнія стрынгі.
Там шарыят і спадчыннасць прастола — і гэта ніяк не перашкаджае развіццю. Гэтак жа, як аўтарытарная палітычная сістэма не перашкаджае Кітаю ці Карэі. Трэба адмяняць да ядрэні фені ўсялякія выбары, забыць гэта заходняе шарлатанства», — кажа ён.
Азаронак прывёў яшчэ адзін «доказ» таго, чаму трэба адмяніць выбары і «плюнуць у Еўропу»:
«Чаму з намі хочуць мець справу старшыні, правадыры, генсекі і султаны? Ніколі ніхто з іх не паедзе ў нейкую жаласную Польшчу, а ўжо тым больш у Прыбалтыку. Таму што яны ведаюць, што ў Беларусі адзін цэнтр улады, адна сіла, адзін той, хто прымае рашэнні. І гэтыя рашэнні не зменяцца з-за кан'юнктуры, з-за таго, што можа прыйсці нехта іншы. Яны ведаюць, што тут не будзе шараханняў у НАТА. Што тут дзяржава сур'ёзна і надоўга. Што адзін чалавек усё вызначае. І слова яго цвёрдае, і слава яму. І яны нясуць сюды грошыкі», — падсумаваў Азаронак.
-
Пачобут не стаў размаўляць з шасцёркамі — ні з Пратасевічам, ні з Васкрасенскім
-
Васкрасенскі: Азотныя ўгнаенні і санкцыі ў адносінах фіз– і юрасобаў — і 1135 палітвязняў будуць у Вільні
-
«Прывезлі маю жонку і сказалі, што яе будуць катаваць». Пара з Украіны расказала жахлівую гісторыю пераследу ў Беларусі
Каментары
Немедленно сдирай и натягивай всю эту дрянь лапти-шмапти,армяк-кушак и онучи.
Начни с себя.