«Пасольствам Беларусі ў В’етнаме вядзецца работа па яе вышуку. Сувязь са зніклай, паводле слоў яе маці, была страчана 4 кастрычніка. Дакладна ўстаноўлена, што зніклая грамадзянка вылецела ў Янгон з Бангкока 20 верасня. Да мерапрыемстваў падключаны знешнепалітычныя і сілавыя ведамствы дзвюх краін, апараты ганаровых консульстваў Беларусі ў Янгоне і Бангкоку. Пасольства Беларусі ў В’етнаме», — гаворыцца ў паведамленні.
Сёння Mash расказаў са спасылкай на расійскую мадэль, што беларуску Веру прадалі на органы ў М’янме і спалілі цела.
Яна прыляцела на сумоўе ў Бангкок, але замест подыума дзяўчыну вывезлі ў М’янму і зрабілі рабыняй. З абавязкаў: быць прыгожай, абслугоўваць «гаспадароў» і разводзіць багацеяў на грошы. Сувязь з ёй знікла 4 кастрычніка.
Спачатку за яе цела нібыта патрабавалі $500 тысяч, а пазней сказалі родным, што загінулую крэміравалі. Зараз сям’я нібыта вядзе перамовы аб вяртанні праху на радзіму.
Цяпер чытаюць
Як купіць кватэру ў Мінску, калі няма каму дапамагчы? Задаецца пытаннем беларус, які адкладае па $1000 у месяц і ўсё адно ў адчаі17
Каментары