Генеральны сакратар НАТА падтрымаў ідэю Трампа спыніць вайну ва Украіне па лініі фронту
У генсака НАТА спыталі, ці лічыць ён неабходным спыненне агню паміж Украінай і Расіяй да пачатку мірных перагавораў.
Генеральны сакратар НАТА Марк Рутэ цалкам падтрымаў заклік прэзідэнта Дональда Трампа да Украіны і Расіі «спыніцца там, дзе яны знаходзяцца». Такую заяву ён зрабіў падчас гутаркі з журналістамі, піша УНІАН.
Паводле яго слоў, гэта простае, але неабходнае пасланне для пачатку рэальных перагавораў.
«Прэзідэнт [Дональд Трамп] у гэтыя выхадныя выказаўся абсалютна ясна — спыніцеся там, дзе знаходзіцеся. Гучыць проста, але, канечне, гэта менавіта тое, што трэба», — сказаў Рутэ.
«Спыніцеся там, дзе знаходзіцеся — гэта галоўнае пасланне. І зноў жа, мы працягнем дыялог сёння днём, і я тут, каб дапамагчы здзейсніць усё, што НАТА можа зрабіць — я асабіста, пастаянны прадстаўнік, усе мы — каб дапамагчы яму рэалізаваць гэтае бачанне», — дадаў генсак.
Раней стала вядома, што Еўропа падтрымлівае пазіцыю Трампа наконт неадкладнага спынення баявых дзеянняў і таго, што бягучая лінія сутыкнення павінна быць адпраўным пунктам перагавораў.
Але Расія адхіліла прапанову Трампа аб замарозцы вайны па лініі фронту.
Кіраўнік Міністэрства замежных спраў Расіі Сяргей Лаўроў даволі шчыра ён заявіў, што цэль Расіі — забраць ва Украіны як мага больш тэрыторыі. «Спыненне агню цяпер азначала б толькі адно: велізарная частка Украіны застаецца пад кіраўніцтвам нацысцкага рэжыму», — сказаў Лаўроў.
«Беларусь цябе любіць». Рэпартаж з развітання з Мікітам Мелказёравым6
Каментары