Hienieralny sakratar NATA padtrymaŭ ideju Trampa spynić vajnu va Ukrainie pa linii frontu
U hiensaka NATA spytali, ci ličyć jon nieabchodnym spynieńnie ahniu pamiž Ukrainaj i Rasijaj da pačatku mirnych pierahavoraŭ.
Hienieralny sakratar NATA Mark Rute całkam padtrymaŭ zaklik prezidenta Donalda Trampa da Ukrainy i Rasii «spynicca tam, dzie jany znachodziacca». Takuju zajavu jon zrabiŭ padčas hutarki z žurnalistami, piša UNIAN.
Pavodle jaho słoŭ, heta prostaje, ale nieabchodnaje pasłańnie dla pačatku realnych pierahavoraŭ.
«Prezident [Donald Tramp] u hetyja vychadnyja vykazaŭsia absalutna jasna — spyniciesia tam, dzie znachodziciesia. Hučyć prosta, ale, kaniečnie, heta mienavita toje, što treba», — skazaŭ Rute.
«Spyniciesia tam, dzie znachodziciesia — heta hałoŭnaje pasłańnie. I znoŭ ža, my praciahniem dyjałoh siońnia dniom, i ja tut, kab dapamahčy ździejśnić usio, što NATA moža zrabić — ja asabista, pastajanny pradstaŭnik, usie my — kab dapamahčy jamu realizavać hetaje bačańnie», — dadaŭ hiensak.
Raniej stała viadoma, što Jeŭropa padtrymlivaje pazicyju Trampa nakont nieadkładnaha spynieńnia bajavych dziejańniaŭ i taho, što biahučaja linija sutyknieńnia pavinna być adpraŭnym punktam pierahavoraŭ.
Ale Rasija adchiliła prapanovu Trampa ab zamarozcy vajny pa linii frontu.
Kiraŭnik Ministerstva zamiežnych spraŭ Rasii Siarhiej Łaŭroŭ davoli ščyra jon zajaviŭ, što cel Rasii — zabrać va Ukrainy jak maha bolš terytoryi. «Spynieńnie ahniu ciapier aznačała b tolki adno: vielizarnaja častka Ukrainy zastajecca pad kiraŭnictvam nacysckaha režymu», — skazaŭ Łaŭroŭ.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku16
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary