Трамп заявіў, што Сі Цзіньпін пагадзіўся дапамагчы завяршыць вайну ва Украіне
«Мы доўга размаўлялі з Сі пра Украіну. Мы пагадзіліся, што абодва бакі завязлі ў баявых дзеяннях», — сказаў прэзідэнт ЗША.
Прэзідэнт ЗША Дональд Трамп заявіў, што дамовіўся з старшынём КНР Сі Цзіньпінам сумесна працаваць над завяршэннем вайны ва Украіне, піша Moscow Times.
«Мы доўга размаўлялі з Сі пра Украіну. Мы пагадзіліся, што абодва бакі завязлі ў баявых дзеяннях, і часам трэба даць ім магчымасць змагацца. Гэта вар’яцтва. Але Сі дапаможа нам, і мы будзем працаваць разам па Украіне», — сказаў кіраўнік Белага дома пасля перамоваў з кітайскім лідарам у Паўднёвай Карэі.
Таксама, паводле яго слоў, ён абмеркаваў з Сі Цзіньпінам закупкі Пекінам расійскай нафты, аднак не стаў удавацца ў дэталі размовы. Да гэтага Трамп увёў санкцыі ў дачыненні да двух найбуйнейшых расійскіх нафтавых кампаній — «Раснафта» і «Лукойл», што прывяло да прыпынення часткі паставак нафты ў Кітай і Індыю.
У цэлым кіраўнік Белага дома назваў сустрэчу з Сі Цзіньпінам «выдатнай», а прынятыя падчас яе рашэнні — «выключнымі».
Па шкале ад 1 да 10 Трамп ацаніў перамовы на 12, падкрэсліўшы, што дамовіўся з лідарам Кітая «амаль пра ўсё». У прыватнасці, паводле яго слоў, Вашынгтон і Пекін у хуткім часе заключаць гандлёвае пагадненне на год.
«Цяпер кожны год мы будзем пераглядаць умовы пагаднення, але я думаю, што яно будзе дзейнічаць на працягу доўгага часу», — сказаў амерыканскі прэзідэнт.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ4
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Чым яму тая вайна замінае? Відаць не чым, адны дывідэнты