Стан чатырох чалавек, якія пацярпелі ўчора падчас надзвычайнага здарэння на «Беларуськаліі», стабільна цяжкі
У Бальніцы хуткай медыцынскай дапамогі Мінска прайшоў Рэспубліканскі кансіліум. У ім бралі ўдзел начальнік галоўнага ўпраўлення арганізацыі меддапамогі Мінздароўя Леанід Недзень, галоўны доктар бальніцы Вольга Святліцкая, намесніка галоўнага доктара па хірургіі Аляксей Жыдкоў, спецыялісты апёкавай рэанімацыі, камбустыёлагі і хірургі.
Падчас кансіліуму спецыялісты вызначылі тактыку далейшага лячэння чатырох пацярпелых падчас інцыдэнту на «Беларуськаліі». Увечары 31 кастрычніка іх перавезлі з Салігорскай ЦРБ, паведамляе Мінздароўя.
Стан усіх чатырох пацыентаў ацэньваецца як стабільна цяжкі. У двух пацярпелых цяжкая інгаляцыйная траўма, ім праводзіцца ШВЛ, у двух — адзначаецца нязначнае паляпшэнне.
Супрацоўнікі Рэспубліканскага апёкавага цэнтра выкарыстоўваюць розныя сучасныя методыкі для лячэння падобных траўмаў, аказваюць усю неабходную медыцынскую дапамогу.
У пятніцу на 4‑м рудаўпраўленні «Беларуськалія» адбыўся разрыў пустой ёмістасці з-пад салянай кіслаты. Была пашкоджана суседняя ёмістасць з салянай кіслатой, адбылася ўцечка. Пацярпелі чатыры чалавекі: маладая жанчына і трое мужчын. Двум пацыентам правялі аперацыі да перавозкі ў Мінск.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары
[Зрэдагавана]